3-7 qyrkúiek aralyǵynda elimizde Halyqaralyq «Uly dala joryǵy» marafon-báigesi ótedi. Oǵan shet memleketterden 10-jýyq komanda qatysady. Otandyq komandalardyń sany 9. Qazirgi ýaqytta qatysýshylardy tirkeý aiaqtaldy, – dep habarlaidy Dalanews.kz.
«JORYQ» at sporty federatsiiasynyń prezidenti Baqytjan Turlybekovtiń aitýynsha halyqaralyq «Uly dala joryǵy» marafon-báigesiniń basty maqsaty – umyt bola bastaǵan jylqy tuqymdaryn qaita jańǵyrtyp, olardyń áleýetin halyqaralyq deńgeide nasihattaý.
«Uly dala joryǵy» jobasynyń negizgi baǵyttarynyń biri – qoltýma jylqylardyń ekinshi tynysyn ashý. Úsh jydan beri ótkizilip kele jatqan Joryqtyń arqasynda qoltýma jylqylardyń baǵasy birneshe ese óskenine kýá boldyq. Buǵan deiin «Báige aty», «Kókpar aty» degen túsinik bolsa, endi ol qatarǵa «Joryq aty» qosyldy», - dep atap ótti B.Turlybekov.
Halyqaralyq «Uly dala joryǵy» marafon-báigesi Astanada ótetin 5-shi Dúniejúzilik kóshpendiler oiyndarynyń bastaýy bolady. Sonymen qatar ózge memleketter kóshpendiler órkenitiniń qazirgi úlgisin osy joryqtan kóre alady.
Bairaqty báseke Soltústik Qazaqstan oblysyndaǵy Botai qonysynan bastalyp, Astana qalasynda aiaqtalady. Jarys bastalatyn Botai qonysy kezdeisoq tańdalmaǵan, 44 jyl buryn arheolog-ǵalymdar sensatsiialyq jańalyq ashty. Olar osy aýmaqtan 100-ge tarta artefaktiler taýyp, Soltústik Qazaqstan jerinde qambar ata túligi eń alǵash qolǵa úiretilgen degen tujyrym jasady.
«Botai» memlekettik tarihi-mádeni mýzei-qoryǵynyń direktory Qýanysh Shaqshaqovtyń aitýynsha dál osy jerde jylqy sharýashylyǵynyń damyǵanyna dálel bolatyn arheologiialyq jádigerler kóptep tabylǵan.
Sondai-aq, Botai qonysynyń mańyna qazaq mádenieti men dástúrin dáripteitin úlken etno-aýyldyń qurylysy josparlanyp jatyr.
Eske sala keteiik, Respýblikalyq «JORYQ» at sporty federatsiiasy Qazaqstan Respýblikasy Ulttyq sport qaýymdastyǵynyń quramyna kiredi. Qaýymdastyq quramynda budan ózge «Kókpar», «Báige», «Sadaq atý», «Teńge ilý», «Aýdaryspaq», «Jamby atý», «Qusbegilik», «Asyq atý» jáne t.b. federatsiialar bar. QR Ulttyq sport qaýymdastyǵyn Islambek Saljanov basqarady.
Atap óteiik, 8-13 qyrkúiekte Astana qalasynda 5-shi Dúniejúzilik kóshpendiler oiyndary ótedi. Is-sharaǵa 89 elden 2000-nan astam sportshy qatysady dep josparlanýda. 5-shi Dúniejúzilik kóshpendiler oiyndarynyń Bas demeýshisi - ALAGEUM ELECTRIC, Oiyndardyń Bas seriktesi - Halyk Bank. Astanada ótetin Dúniejúzilik kóshpendiler oiyndarynda barlyǵy 21 sport túrinen 97 medal jiyntyǵy sarapqa salynady.
