«Sailaý jáne onda shynaiy tańdaý jasaý múmkindigi týraly jariialandy. Biraq Qazaqstanda bul eki bólek nárse, negizi.
Meniń bilýimde, bul sailaýdyń stsenarii, oǵan kim qatysatyny, sailaýǵa kimder baratyny, basty adam kim ekeni aldyn ala belgilenip qoiǵan bolýy kerek. Oppozitsiialyq alańdy «tazalap» qoidy (qatyspaityn boldy olar sailaýǵa).
Endi ákimder buiryq kútip otyr. Sailaý komissiiasynyń tóraǵalary da buiryq alady, bári sol boiynsha jasalady. Bilikti jaqtaýshy oiynshylar standartqa sai úgit-nasihat júrgizedi. Onysy daiyn da. Qalai degenmen de ádet adamnyń ekinshi qalpy ǵoi. Odan eshqashan tanbaidy. Barlyq memlekettik apparat basqasha sailaý ótkizip kórgen de emes bizdegi. Basqashasy qoldaryn da kelmeidi».
Mine, osy jazbada aitqandarym aidai keldi.
Biraq bul sailaý halyqtyń sanasynda silkinis baryn, ózgeris jasaýǵa daiyn ekenin baiqatty. 19 naýryzdan keiingi oqiǵalar halyqtyń saiasi belsendiligin arttyryp, ózi birnárseni ózgerte alatynyna kóz jetkizgendei. Burynǵydai emes, osy joly halyq sailaýǵa belsendi túrde qatysty.
Sóitip elimizge ózgeris kerek ekenin anyq ańǵartty. Al júrek qalaýymen sailaýǵa alǵash ret baqylaýshy bop qatysqandar saiasi kúrestiń nendei ekenin anyq sezindi.
Endi burynǵydai beiqamdyq, enjarlyq degen joq, bilik endi qansha tyryssa da burynǵy saiasi ádetine basa almaidy. Óitkeni máńgi nárse joq. Eń bastysy, bilikten buryn qoǵamdyq sananyń tranziti bastalyp ketti...
