Resei Qazaqstannyń munai eksportyn Baltyq teńizindegi Ýst-Lýga portynan Qara teńizdegi Novorossiisk portyna baǵyttap jatyr, dep habarlaidy dalanews.kz Reuters-ke siltep.
Tórt derekkózdiń málimetinshe, Qazaqstan munaiyn Novorossiisk pen Ýst-Lýga arqyly eksporttaidy. Alaida Máskeý tamyzdyń sońynan qyrkúiektiń sońyna deiin Qazaqstannyń barlyq tranzittik munaiyn Qara teńiz arqyly jóneltýdi kózdep otyr.
Bul ózgeris Reseige Ýst-Lýga portyndaǵy Qazaqstan munaiynyń ornyn óz shikizatymen toltyrýǵa múmkindik beredi. Buǵan Qara teńizdegi jaǵdai kúrdelenýi sebep bolyp otyr. Ýkraina drondarynyń shabýyldary Resei munaiyn tasymaldaityn kemelerdi jaldaýdy qiyndatyp, Qara teńizdegi munai tieý jumystaryn baiaýlatqan.
Derekkózderdiń úsheýi tamyzdyń sońynda Ýst-Lýga portynan jóneltilýge tiis bolǵan KEBCO markaly Qazaqstan munaiynyń keminde eki partiiasy Novorossiiskige baǵyttalǵanyn aitty. Qyrkúiekte Ýst-Lýga portynan KEBCO munaiyn tieý ázirge josparlanbaǵan.
Osylaisha, Ýst-Lýga portynda táýligine shamamen 100 myń barrel munai eksporttaýǵa múmkindik týady. Bul qýatty Resei óz munaiyn eksporttaý úshin paidalana alady.
Qara teńizdegi munai tasymaly úshin reseilik eksporttaýshylarǵa tanker tabý qiyn bolyp otyr. Derekkózderdiń málimetinshe, qaýipsizdikke bailanysty keme ieleri bul aimaqta Resei munaiyn tasymaldaýdan bas tartyp jatyr. Sonyń saldarynan munai tieý merzimi de keshigip keledi.
Qazaqstan munaiy qaýpi tómen júk retinde baǵalanady. Sondyqtan ony tasymaldaýǵa tanker jaldaý jeńilirek. Financial Times basylymynyń habarlaýynsha, Ýkraina Qara teńiz porttarynan Reseige tiesili emes munai tasymaldaityn tankerlerge jasalǵan shabýyldardy toqtatýǵa ýáde etken.
Derekkózderdiń aitýynsha, qazaqstandyq munai óndirýshiler bul sheshimdi qoldaidy. Sebebi qazir munaidy Qara teńiz arqyly eksporttaý Baltyq teńizi baǵytyna qaraǵanda tiimdirek.
Qazaqstannyń KEBCO munaiynyń basym bóligi Jerorta teńizindegi munai óńdeý zaýyttaryna satylady nemese "QazMunaiGaz" ulttyq kompaniiasyna tiesili Eýropadaǵy munai óńdeý kásiporyndaryna jetkiziledi.
Ázirge Reseidiń de, Qazaqstannyń da Energetika ministrlikteri bul aqparatqa qatysty pikir bildirmegen.
