Almaty ákimi Erbolat Dosaev qala turǵyndaryna trotýarlardy jaryqtandyr máselesin qalpyna keltirýge ýáde berdi, dep habarlaıdy Dalanews.kz.
Ákim Almaly aýdany turǵyndarynyń saýaldaryna jaýap bere otyryp, qaladaǵy syrtqy jaryqtandyrý sapasynyń máselesine basymdyq beriletinin atap ótti.
"Kóptegen sot prosesinen keıin jaryqtandyrý júıesi qalanyń menshigine qaıtaryldy. Belsendi jumystar ótken jyldyń tamyz aıynda bastaldy. Birinshisi - Almaly aýdany bolsa, qazan aıynan bastap jeti aýdan jaryq máselesi boıynsha jumys isteı bastady. Bıyl 40 shaqyrymǵa jýyq jelini aýystyramyz. Sonymen qatar 5 myńnan astam jańa jaryq núktesin salamyz. Atap aıtqanda, kóshelerdi ǵana emes, jaıaý júrginshiler jolyn dajaryqtandyrýǵa basa nazar aýdaramyz”, - dedi Erbolat Dosaev.
Óz kezeginde Almaly aýdanynyń ákimi Aıdar Jákibaev bıyl negizgi úsh kóshede - Abaı dańǵyly, Tóle bı jáne Abylaı han kóshelerinde jaryqtandyrý qalpyna keltiriletinin jetkizdi.
2023 jyldyń 8 jeltoqsanynda Almaty ákimi qalada syrtqy jaryqtandyrý máselesi 2025 jyly tolyǵymen sheshiletinin alǵa tartqan bolatyn.
