VTB Bank (Qazaqstan) dırektorlar keńesi Dmıtrıı Sykýnovty Basqarma múshesi etip saılaý týraly sheshim qabyldady. Ol Qazaqstandaǵy VTB Bank táýekelderin baǵalaý men basqarýda jańa tásilderdi ázirleý jáne engizýge jaýap beredi, – dep habarlaıdy Dalanews.kz.

Dmıtrıı Sykýnov qarjy salasynda 17 jyl jumys istep keledi. Onyń ishinde segiz jyly VTB tobynda. 2020 jyldan bastap VTB bankiniń (Qazaqstan) táýekelder departamentin basqarady.

Dmıtrıı Sykýnov Novosibir memlekettik ýnıversıtetin «Matematıka» mamandyǵy boıynsha jáne Halyqaralyq bıznes ýnıversıtetin (Qazaqstan) «Qarjy» baǵyty boıynsha bitirgen.

Qazirgi ýaqytta VTB Bank (Qazaqstan) Basqarmasynyń quramyna tómendegi tulǵalar kiredi: Basqarma tóraǵasy Zabello Dmıtrıı Aleksandrovıch, Qarjy departamentiniń dırektory Nelına Anastasıa Sergeevna, Korporatıvtik klıenttermen jumys júrgizý departamentiniń dırektory Ýsanetashvılı Archıl Gıvıevıch, táýekelder departamentiniń dırektory Sykýnov Dmıtrıı Sergeevıch.