Amerikalyq pop-juldyz Djennifer Lopes 1 tamyzda Astanada kontsert ótkizbek. Is-sharadan Qazaqstan biýdjetine 400 million teńge paida túspek. Bul týraly Astana Venue Management kompaniiasynyń bas direktory Málik Hasenov Úkimet otyrysynda málimdedi, – dep habarlaidy Dalanews.kz.
Jospar boiynsha pop-juldyzdyń kontsertine 15 myńnan asa sheteldik týrist keledi.
"Djennifer Lopestiń kelýinen Astananyń ekonomikasyna jalpy úles 6,5 milliard teńgege jetedi, onyń ishinde HoReCa júiesine jáne kontsertti ótkizýden tikelei salyq túsimderi 400 million teńgeden asady", – dedi Málik Hasenov Úkimet otyrysynda.
Aita keteiik, HoReCa – týrister men qala qonaqtarynyń jatatyn jerge, tamaqtaný, kafe/meiramhanalardaǵy qyzmet kórsetý jáne basqa da qyzmetterge qansha qarajat jumsaitynyn esepteitin júie.
Al Úkimet basshysy Oljas Bektenov Qazaqstan aýqymdy mádeni is-sharalardy ótkizý úshin turaqty alańǵa ainalýǵa tiis ekenin aitty. Oljas Bektenov osy baǵytta memleket tarapynan qoldaý kórsetýge ýáde berdi.
"Qazaqstan osyndai is-sharalardy ótkizýdiń turaqty ornyna ainalýy úshin bul jumysty jalǵastyrý qajet. Biz Úkimet tarapynan barlyq qajet qoldaýdy kórsetemiz", - dep túiindedi ol.
