امەريكالىق پوپ-جۇلدىز دجەننيفەر لوپەس 1 تامىزدا استانادا كونسەرت وتكىزبەك. ءىس-شارادان قازاقستان بيۋدجەتىنە 400 ميلليون تەڭگە پايدا تۇسپەك. بۇل تۋرالى Astana Venue Management كومپانياسىنىڭ باس ديرەكتورى مالىك حاسەنوۆ ۇكىمەت وتىرىسىندا مالىمدەدى، – دەپ حابارلايدى Dalanews.kz.
جوسپار بويىنشا پوپ-جۇلدىزدىڭ كونسەرتىنە 15 مىڭنان اسا شەتەلدىك تۋريست كەلەدى.
"دجەننيفەر لوپەستىڭ كەلۋىنەن استانانىڭ ەكونوميكاسىنا جالپى ۇلەس 6،5 ميلليارد تەڭگەگە جەتەدى، ونىڭ ىشىندە HoReCa جۇيەسىنە جانە كونسەرتتى وتكىزۋدەن تىكەلەي سالىق تۇسىمدەرى 400 ميلليون تەڭگەدەن اسادى"، – دەدى مالىك حاسەنوۆ ۇكىمەت وتىرىسىندا.
ايتا كەتەيىك، HoReCa – تۋريستەر مەن قالا قوناقتارىنىڭ جاتاتىن جەرگە، تاماقتانۋ، كافە/مەيرامحانالارداعى قىزمەت كورسەتۋ جانە باسقا دا قىزمەتتەرگە قانشا قاراجات جۇمسايتىنىن ەسەپتەيتىن جۇيە.
ال ۇكىمەت باسشىسى ولجاس بەكتەنوۆ قازاقستان اۋقىمدى مادەني ءىس-شارالاردى وتكىزۋ ءۇشىن تۇراقتى الاڭعا اينالۋعا ءتيىس ەكەنىن ايتتى. ولجاس بەكتەنوۆ وسى باعىتتا مەملەكەت تاراپىنان قولداۋ كورسەتۋگە ۋادە بەردى.
"قازاقستان وسىنداي ءىس-شارالاردى وتكىزۋدىڭ تۇراقتى ورنىنا اينالۋى ءۇشىن بۇل جۇمىستى جالعاستىرۋ قاجەت. ءبىز ۇكىمەت تاراپىنان بارلىق قاجەت قولداۋدى كورسەتەمىز"، - دەپ تۇيىندەدى ول.
