Taiaýda Marokkoda kontsert bergen Djennifer Lopes basy daýǵa qaldy. Marokko halqynyń basym kópshiligin musylmandar quraityny belgili. Ánshi osy bir jaitty eskermei, kópshilik aldynda jartylai jalańash kúiinde án salyp, basy daýǵa qaldy.
Djennifer Lopes «Álemniń áýeni» degen jobasy aiasynda dúniejúziniń biraz elinde kontsert qoiýdy bastap ketken edi. Ánshiniń Marokkodaǵy gastroldik sapary sátti bolmady. Jergilikti halyqtyń uǵym-túsinigin basshylyqqa almai, sahnaǵa jartylai jalańash kúiinde shyǵyp, aǵattyq jasaǵan. Onyń ústine ánshiniń kontserti eldiń ortalyq telearnalarynyń birinen taralyp, halyqtyń úlken narazylyǵyn týǵyzǵan. Bóksesin bultyńdatyp bilegen ánshiniń áreketine shydamaǵan kópshilik Marokkonyń Mádeniet ministrin otstavkaǵa ketýin talap etip jatyr. Eger másele sotqa deiin jetse, áigili ánshi Marokko zańy boiynsha 2 jylǵa deiin bas bostandyǵynan aiyrylýy múmkin. Biraq el tarihynda mundai oqiǵa bolmaǵan.
