Qazaqstan kinoteatrlarynda DISNEY kompaniiasynyń úsh birdei týyndysy: Disney jáne Pixar stýdiialarynyń «OIJUMBAQ 2» animatsiialyq filmi, Disney kompaniiasynyń «MOANA 2» shytyrman oqiǵasy men «MÝFASA: ARYSTAN PATShA» kórkem filmi qazaq tilinde kórsetiledi. Bul súiinshi jańalyqty Halyqaralyq «QAZAQ TILI» qoǵamy til.kz resmi saitynda jariialady.
Filmderdi túrli elderge beiimdep, dýbliajdaý – Disney kompaniiasynda burynnan qalyptasqan úrdis. Disney jyl saiyn ár filmniń túrli tilderdegi 30-ǵa jýyq nusqasyn daiyndaidy. Qazaq tiliniń osyndai iri tilder qataryna qosylýy, súiikti filmderdegi ózimizge jaqsy tanys keiipkerlerdiń bizben birge bir tilde sóileýi – óte mańyzdy qadam. Osy turǵyda Halyqaralyq «Qazaq tili» qoǵamynyń negizgi jumys baǵyty Disney kompaniiasynyń ustanymen úndes keledi. «Qazaq tili» qoǵamy memlekettik tildegi kontent qoryn, atap aitqanda, bala tilin qazaqsha shyǵarýǵa qajet quraldardan bastap, ár adamnyń qazaq tili aiasynda tulǵa ári maman bolyp qalyptasýyna kerek mazmun qoryn arttyrýǵa basymdyq beredi. Álemdik animatsiia jaýharlary, qazaq tilindegi kinoprokat baǵytyndaǵy kontenttiń qazaq tiline aýdarý bastamasyn qoldaidy. Bul joly “Qazaq tili” qoǵamy Disney komandasymen birlese atalǵan filmderdi qazaqstandyq kórermenderge keńinen nasihattaý jáne taratýǵa atsalysady.
«Filmderdi ártúrli elderge beiimdep, dýbliajdaý – Disney kompaniiasyndaǵy kontent ázirleý jumysynyń ajyramas bóligi ári burynnan qalyptasqan úrdisi. Sol sebepti Disney Character Voices International ujymy ár filmniń túrli tilderge aýdarylǵan 30-ǵa jýyq nusqasyn ázirleidi. Osy nusqalardyń árqaisysyndaǵy keiipkerlerdiń biregei beinesin saqtai otyryp, ony kórermenderge «jaqyn» ári túsinikti etip aýdaratyn, dýbliajdaityn daryndy shyǵarmashylyq keńesshiler men tehnikalyq mamandar toby jumyldyrylady, – deidi Ortalyq jáne Shyǵys Eýropa, TMD elderi, Grýziia jáne Mońǵoliiadaǵy Disney kompaniiasynyń bas direktory Kahaber Abashidze.
«Qazaqstandyq kórermen memlekettik tilde kórsetiletin Disney premeralaryn qashanda erekshe yqylaspen qarsy alady. Bul dástúr 2024 jyly da jalǵasyn tappaq. Úlken ekrandardan qazaq tilinde kórsetilgen «Moana», «Kólikter 3», «Kokonyń qupiiasy» jáne «Arystan patsha» (2019) filmderiniń qatary jańa týyndylarmen tolyqpaq. Qazaq tilinde erkin sóileitinder de, tildi endi úirenip júrgender de sapaly dýbliajdalǵan filmderdi tamashalaýdan lázzat alary cózsiz», – dep pikir bildirdi Qazaqstan aýmaǵyndaǵy Disney filmderiniń resmi distribiýtory, «Meloman» kompaniiasynyń bas direktory Vadim Golenko.
14 maýsymnan bastap kinoteatrlarda Disney men Pixar komandasy túsirgen tanymal animatsiialyq týyndynyń kópten kútken jalǵasy – «Oijumbaq 2» kórsetiledi. Munda kórermen boi jetip qalǵan Railimen qaita qaýyshady. Keiipkerdiń sanasynda kútpegen jerden paida bolǵan jańa emotsiialarǵa oryn bosatý úshin Bas bóliminde kúrdeli jóndeý jumystary bastalady...
Filmniń posteri men alǵashqy kadrlaryn myna silteme arqyly júktep alýǵa bolady: https://we.tl/t-1cZWuC0Zoe
Al kópten kútken ekinshi reliz – Disney kompaniiasynyń «Moana 2» animatsiialyq shytyrman oqiǵasyn qarasha aiynan bastap tamashalai alamyz. Film rejisseri – kishi Deiv Derrik, mýzyka avtory – «Gremmi» syilyǵynyń júldegerleri Ebigeil Barloý men Emili Bear, «Gremmi» nominanty Opetaiia Foaia men úsh dúrkin «Gremmi» júldesiniń iegeri Mark Manchina.
Filmniń alǵashqy kadry myna siltemede: https://we.tl/t-RhJRr7Y8jD
Tizerin myna silteme arqyly kórýińizge bolady: https://youtu.be/KB1VDoeLZ2k?si=cGT6xQyRaSVuWNU0
Qazaq tilinde kórsetiletin úshinshi týyndy – Disney kompaniiasynyń «Mýfasa: Arystan patsha» kórkem filmi. 2019 jylǵy «Arystan patsha» filminde qoldanylǵan zamanaýi tehnologiialardyń kómegimen túsirilgen bul kartina Mýfasanyń balalyq jáne jastyq shaǵyn, baýyry Shrammen aradaǵy óshpendiliktiń túpki tarihyn baiandaidy. Film rejisseri – Barri Djenkins («Ai sáýlesi»), stsenariiin Djeff Natanson («Terminal») jazǵan.
Usynylǵan filmderdiń qazaq tilindegi dýbliajy qazaqstandyq Movie Dalen stýdiiasynda jasaldy.
Film jaily maqala ne ózge de material jariialaityn bolsańyz, bizge aldyn-ala eskertip, habarlasýyńyzdy suraimyz.
