Dini bilim alýǵa talpynǵan jastar «Haseki» institýtyna synaq tapsyrdy
Bul shara Qazaqstan musylmandar dini basqarmasy men Túrkiianyń din isteri jónindeni basqarmasy arasyndaǵy kelsim negizinde júzege asyp otyrǵanyn aita ketýimiz kerek.
Toqsanynshy jyldary shetelge dini bilim alý úshin attanǵan biraz jastarymyz túrli aǵymdardyń sońyna túsip, oi-kózqarasy ózgeriske ushyrap, qoǵamǵa qaýip tóndirgeni jasyryn emes.
Al qazir jaǵdai túbegeili ózgergen. Bul iske Qazaqstan musylmandar dini basqarmasy aralasyp, shetelde dini bilim alaýǵa talpynǵan jastarǵa durys dini bilim beretin oqý oryndardy tańdaýyna kókmektesýde.
Budan basqa elimizdegi dini bilim beretin mederselerdi QR Bilim jáne ǵylym minsitrliginiń sertifikatyn alýyna járdemdeskenin de aita ketýimiz kerek. Osylaisha basqarma az ǵana ýaqyttyń ishinde dini bilim berý isin bir júiege keltirip, úlken jumys atqarǵanyn atap aitýǵa bolady.
Elordada ótken «Haseki» institýtyna talpynǵan jastardyń synaq tapsyrý isine Qazaqstan musylmandar dini basqarmasy tóraǵasynyń orynbasary Ershat Aǵybaiuly qatysyp, talapkerlerge sáttilik tiledi.
– Qazirgi tańda dini bilimi joǵary mamandar elimizde aýadai qajet. Sizder Islam dini jaiynda tereń bilim alǵannan keiin, elge kelip jumys isteý násip etsin! – dedi.
Biyl «Haseki» institýtyna 57 talapker qujat tapsyrdy. Eki kúnge jalǵasqan synaq tapsyrý kezinde sanitarlyq talaptar tolyqtai saqtalǵanyn aita ketýimiz kerek.
