Dini alaýyzdyqty qozdyrǵany úshin izdeýde júrgen Qazaqstan azamaty Reseiden qaitaryldy, dep habarlaidy Dalanews.kz.
"Kúdikti 2016-2017 jyldary Almaty qalasynda birneshe ret dini alaýyzdyqty qozdyrýǵa, azamattardyń dini sezimderin qorlaýǵa, azamattardyń dinge degen kózqarasy negizinde olardyń ekskliýzivtiligin, artyqshylyǵyn jáne kemistigin nasihattaýǵa baǵyttalǵan áreketter jasaǵan", - dep jazylǵan Bas prokýratýra habarlamasynda.
Bul qylmystyń ózge de qatysýshylary ártúrli jaýaptylyqqa tartyldy, al kúdikti qylmys jasaǵannan keiin boi tasalap, halyqaralyq izdeýge jariialandy.
Osydan keiin 2017 jyly kúdikti Máskeýde qaraqshylyq jasap, sottalǵan.
Reseide jazasyn ótegennen keiin atalǵan adam qylmystyq jaýapkershilikke tartý úshin Qazaqstanǵa qaitaryldy.
Qazirgi ýaqytta kúdikti tergeý izoliatoryna qamaldy.
Atalǵan qylmysty jasaǵany úshin bes jyldan on jylǵa deiingi merzimge bas bostandyǵynan aiyrý jazasy qarastyrylǵan.
