Osy rette birden máseleniń basyn ashyp alaiyq. Dintanýshyny meshitte azan shaqyryp, ólgen adamdy kebindep shyǵaryp salatyn molda-qojamen shatastyrmańyzdar! Dál qazir oblysty aitpaǵan kúnniń ózindi 100-200 myń adam turatyn aýdannan jón biletin bir dintanýshy mamandy shammen izdeseńiz, tappaisyz. Bul sózimizdi eshkim joqqa shyǵarmasy anyq.
Búginde ár aýdandaǵy Ishki saiasat bólimi janynan din máselesimen ainalysatyn bir maman jumys isteidi. Budan basqa jergilikti jerdegi Ulttyq qaýipsizdik komitetiniń ókilderi de din máselesine baqylaitynyn bilemiz. Solardyń bári din salasyn jetik biledi dep aitý qiyn. Bilikti maman bolmaǵannan keiin bul shtatta shamadandy kóńil-kúide júrgen kim kóringen jumys isteidi.
Sol sebepti jastardyń adasýshylyǵy, ózge aǵymnyń shylaýynda ketýi tyilmai tur. Eger bizder jibi túzý dintanýshy mamandar daiarlaityn bolsaq, olar aýdandyq ishki saiasat, jastar bóliminde jumys ister edi.
Ókinishke orai, bizder dintanýshy meshitte jumys isteitin molda dep túsinemiz. Bul qate oi. Kerek deseńiz, bilikti dintanýshy kez kelgen aýdan ákiminiń orynbasary bolyp, tutas aýdannyń ideologiialyq jumysyn basqara alady.
Dál qazir tańda aýdan ákiminiń úsh-tórt orynbasarynyń biri dintanýshy maman bolýy kerek. Aýdan ákiminiń ekonomika jónindegi orynbasary bolmasa da, ideologiia salasy boiynsha orynbasary bolýy shart. Oblysqa aýyzyn ashyp qarap otyrǵan ákimderdiń aýdan ekonomikasyn qaryq qylyp damytyp jibergenin estigen de, kórgen de emespiz.
Kerek deseńiz, dintanýshylar mektepte tarihtan sabaq berýine de bolady. Qazaq qoǵamy dintanýshy mamannyń qyzmet aýqymy keń ekenin túsinýi kerek. Bizder dintanýshylardy basyna sálde orap, aq shapanyn kiip alyp, meshitten shyqpaityn moldalarmen shatastyrmaýymyz kerek.
