Kórnekti ǵalym, memleket qairatkeri Dinmuhamed Qonaevtyń kenje qaryndasy Raýza Minliahmedqyzy Qonaeva dúnieden ótti, dep habarlaidy Dalanews.kz.
Qaraly habardy D.A. Qonaev atyndaǵy halyqaralyq qor jariialap, marqumnyń týǵan-týystaryna kóńil aitty.
Qor málimetinshe, Raýza Qonaeva 1934 jylǵy 10 sáýirde Almaty oblysynyń Shelek aýylynda dúniege kelgen. Ol Minliahmed pen Záýre Qonaevtardyń 11-balasy, áýlettegi eń kenjesi bolǵan.
Balalyq shaǵyn Almatyda ótkizip, qaladaǵy №28, №10 jáne №36 mektepterinde bilim alǵan. 1952 jyly Máskeý memlekettik ýniversitetiniń biologiia-topyraqtaný fakýltetine oqýǵa túsip, ony 1956 jyly sátti aiaqtaǵan.
1957 jyldan 2016 jylǵa deiin Qazaqstan ǵylym akademiiasy júiesinde qyzmet etti. Osy jyldar aralyǵynda Biohimiia institýtynda, keiin Molekýlalyq biologiia jáne biohimiia institýtynda eńbek etti. Ǵylym salasynda uzaq jyldar boiy tabandy jumys istep, otandyq biologiia ǵylymynyń damýyna eleýli úles qosty.
Raýza Minliahmedqyzy Qonaeva – Qazaqstan ǵylymyndaǵy tutas bir dáýirdiń ókili, ult ziialylary áýletiniń abyroiyn asqaqtatqan tulǵalardyń biri retinde este qalady.
