Astanada ótip jatqan «Qazirgi kezeńdegi ekstremizm men terrorizmniń aldyn alý men jolyn kesýdiń zańnamalyq jáne institýtsionaldyq sharalary» taqyrybyndaǵy «dóńgelek ústel» otyrysynda qoǵam qairatkeri Muxtar Taijan Qazaqstandaǵy ekstremizm men terrorizmniń negizgi sebepterin atady.
Sondai-aq ol jańadan taǵaiyndalǵan din isteri jáne azamattyq qoǵam ministri Nurlan Ermekbaevty synǵa aldy, dep xabarlaidyBNews.kz.
«Menińshe, osy ekstremizm men terrorizmniń basty sebebi – kedeishilik jáne jumyssyzdyq. Sondyqtan. osynda otyrǵan Úkimet músheleriniń jaýapkershiligi zor dep oilaimyn. Elimizde kedeishilik pen jumyssyzdyq bolmaýy tiis. Sebebi, Qazaqstan – bai memleket, 17 aq million xalqy bar. Árine, ekstremizm men terrorizmniń taǵy bir sebebi – bilimsizdik. Ásirese, orta bilim salasynda úlken reforma jasaý qajet», – deidi Taijan.
Qoǵam belsendisi ózine deiin baiandama jasaǵan Din isteri jáne azamattyq qoǵam ministri Nurlan Ermekbaevty synǵa aldy.
«Qazir jańadan taǵaiyndalǵan ministr Ermekbaev myrza keibir oilaryn durys aityp ótti. Biraq, meniń oiymsha, siz óz oilaryńyzdy tek orys tilinde ǵana aitatyn bolsańyz, jastar sizdi túsinbeidi. Óitkeni, jastardyń kóbi qazaqtildi. Sondyqtan mynaý sizdiń meshitterdegi ýaǵyz orys tilinde bolýy kerek degen usynysyńyzdy qoldamaimyn. Sebebi, meshitke baryp otyrǵan jamaǵattyń 99 paiyzy qazaq tilinde sóileidi», – deidi Taijan.
[caption id="attachment_20119" align="aligncenter" width="740"]
