Delegasıa quramynda depýtattar Erkebulan Mámbetov, Jıgýlı Daırabaev, Aıdarbek Qojanazarov, Islam Suńqar, Ǵalymjan Eleýov, sondaı-aq QR Aýyl sharýashylyǵy vıse-mınıstri Ábilhaıyr Tamabek jáne bir top mınıstrlik ókilderi boldy.
Sapar aıasynda Túrkistan oblysy ákiminiń orynbasary Ermek Kenjehanuly Ordabasy, Saıram, Saýran aýdandaryndaǵy jylyjaı kesheni men mal bordaqylaý alańdarynyń, óndiris oryndarynyń jumysymen, sondaı-aq kóktemgi dala jumystary, jańbyrlatyp sýarý júıesi, Túrkistan magıstraldy kanalynyń jumysymen tanystyrdy.
Erteń, 12 mamyrda Májilis komıteti Túrkistanda kókónis sharýashylyǵy salasy men sýarmaly eginshiliktiń ózekti máseleleri boıynsha kóshpeli otyrys ótkizedi.
Onda depýtattar ortalyq jáne jergilikti memlekettik organdardyń, salalyq birlestikterdiń ókilderimen elimizde kókónis sharýashylyǵynyń qazirgi jaǵdaıy men damý bolashaǵyn, sýarmaly eginshilik máselelerin talqylaıdy.
Otyrys barysynda ishki naryqty jemis-kókónis ónimderimen qamtamasyz etýdegi óńirlik erekshelikter men tejeýshi faktorlar, sondaı-aq salanyń basqa da ózekti máseleleri qaralady.
https://dalanews.kz/suranys/89224-elde-arbir-tortinshi-diirmenning-bire
