Burynǵy aýyl sharýashylyǵy vitse-ministri Ábilqaiyr Tamabek Jambyl oblysy ákimdiginde jańa qyzmetke kiristi, dep habarlaidy Dalanews.kz.
Prezident ákimshiliginiń kelisimi boiynsha, Jambyl oblysy ákiminiń ókimine sáikes, Tamabek Ábilhaiyr Jambyl oblysy ákiminiń orynbasary bolyp taǵaiyndaldy.
Eske salaiyq, kúni keshe Úkimettiń baspasóz qyzmeti Ábilhaiyr Tamabek basqa jumysqa aýysýyna bailanysty aýyl sharýashylyǵy vitse-ministri qyzmetinen bosatylǵanyn habarlaǵan bolatyn.
Burynǵy vitse-ministr byltyr qyrkúiekte kópshiliktiń qyzý talqysyna túsken edi. Óitkeni sheneýnik Májilistiń Agrarlyq máseleler jónindegi komitetiniń keńeitilgen otyrysynda Respublica partiiasynyń jetekshisi Aidarbek Qojanazarovpen janjaldasyp qaldy. Májilistegi otyrysta daý depýtattyń fermerler qiyn jaǵdaida ekenin aitqan málimdemesinen keiin týyndaǵan. Depýtat fermerlerdiń kóktemde egin egetin eshteńesi joq ekenin málimdegen. Buǵan jaýap retinde vitse-ministr "Azyq-túlik korporatsiiasynyń" tuqym retinde paidalanýǵa bolatyn bir tonnalyq astyq qory bar ekenine sendirgen.
