بۇرىنعى اۋىل شارۋاشىلىعى ۆيسە-مينيسترى ءابىلقايىر تامابەك جامبىل وبلىسى اكىمدىگىندە جاڭا قىزمەتكە كىرىستى، دەپ حابارلايدى Dalanews.kz.
پرەزيدەنت اكىمشىلىگىنىڭ كەلىسىمى بويىنشا، جامبىل وبلىسى اكىمىنىڭ وكىمىنە سايكەس، تامابەك ءابىلحايىر جامبىل وبلىسى اكىمىنىڭ ورىنباسارى بولىپ تاعايىندالدى.
ەسكە سالايىق، كۇنى كەشە ۇكىمەتتىڭ باسپا ءسوز قىزمەتى ءابىلحايىر تامابەك باسقا جۇمىسقا اۋىسۋىنا بايلانىستى اۋىل شارۋاشىلىعى ۆيسە-مينيسترى قىزمەتىنەن بوساتىلعانىن حابارلاعان بولاتىن.
بۇرىنعى ۆيسە-مينيستر بىلتىر قىركۇيەكتە كوپشىلىكتىڭ قىزۋ تالقىسىنا تۇسكەن ەدى. ويتكەنى شەنەۋنىك ءماجىلىستىڭ اگرارلىق ماسەلەلەر جونىندەگى كوميتەتىنىڭ كەڭەيتىلگەن وتىرىسىندا Respublica پارتياسىنىڭ جەتەكشىسى ايداربەك قوجانازاروۆپەن جانجالداسىپ قالدى. ماجىلىستەگى وتىرىستا داۋ دەپۋتاتتىڭ فەرمەرلەر قيىن جاعدايدا ەكەنىن ايتقان مالىمدەمەسىنەن كەيىن تۋىنداعان. دەپۋتات فەرمەرلەردىڭ كوكتەمدە ەگىن ەگەتىن ەشتەڭەسى جوق ەكەنىن مالىمدەگەن. بۇعان جاۋاپ رەتىندە ۆيسە-مينيستر "ازىق-تۇلىك كورپوراسياسىنىڭ" تۇقىم رەتىندە پايدالانۋعا بولاتىن ءبىر توننالىق استىق قورى بار ەكەنىنە سەندىرگەن.
