– Osy jyldyń aqpanynda Májilis depýtattary Almaty, Almaty oblysy, Qyzylorda, Semei qalalarynda qańtar oqiǵasy kezinde ustalyp, tergeý izoliatoryna qamalǵan azamattar jáne olardyń týystarymen, advokattarymen júzdesken bolatyn. Ósirip jetkizip, endi qyzyǵyn kóremiz dep otyrǵan balalarynan aiyrylǵan, oqiǵanyń alǵashqy kúnderinde qamaýǵa alynǵan uldarynan habar ala almaǵan analarmen kezdesý ońai bolǵan joq. Olardyń janaiqaiyn, tipti qarǵysyn da tyńdap, sabyrǵa shaqyryp, basý aitýǵa tyrystyq jeke telefonymdy áleýmettik jelige jariialadym.
Balalarynyń taǵdyryna alańdaǵan analar áli kúnge deiin habarlama jiberip, ádildik izdep, bizden úmit kútýde. Azamattardy qabyldaý kezinde quqyq qorǵaý organdary tarapynan kúsh qoldaný, ásirese, ustaǵan sátte uryp-soǵý siiaqty keleńsizdikter belgili boldy. Útikpen tek kiim ǵana emes, tergeý amaldaryn da júrgizýge bolatynyn kórdik. Sondai-aq, kameraǵa túskenin syltaýratyp aiyptalý jazasyn aýystyrý nemese bosatý úshin onyń týystarynan para bopsalaý faktileriniń bolyp jatqany da sóz boldy, – dedi depýtat Májilistiń jalpy otyrysynda.
Onyń atap ótýinshe, búgingi ókiletti organdardyń Májilistegi esebimen qańtardyń búkil máselesi sheshilmeidi. Al depýtattar kóterilgen suraqtar ádil sheshimin tapqansha qadaǵalaýda ustaidy.
– Shynyn aitsaq, osy qandy oqiǵanyń uiymdastyrýshylary men sodyrlardyń kim ekendigine de naqty jaýap almadyq. Prezident Qasym-Jomart Toqaevtyń aýyrlatatyn mán-jai bolmaǵan jaǵdaida jazany jeńildetý qajet degenin nazarǵa ala otyryp jáne «Qańtar oqiǵasynyń» alǵysharttary men sebepterin eskerip, búginde aýyr emes zańbuzýshylyq jasaǵan azamattarǵa tek Qylmystyq kodekstiń kózimen ǵana emes, adami gýmanistik kózqaraspen qaraýǵa shaqyramyn, – dedi Berik Dúisenbinov.
