Depýtat «QazMunaiGaz» ben «Eir Astananyń» monopoliiasyn synǵa alyp, janarmai men qymbat áýe biletteri boiynsha sheshim shyǵarýdy talap etti, dep habarlaidy Dalanews.kz.
Májilis depýtaty Natalia Dementeva janar-jaǵarmai jáne áýe tasymaly naryǵynyń monopoliialanýy máselesin kóterdi. Onyń aitýynsha, bul jaǵdai janarmai tapshylyǵy men bilet baǵasynyń qymbattaýyna ákelip soǵyp otyr.
Depýtattyń málimetinshe, otyn naryǵynyń 80%-yn «QazMunaiGaz», al jolaýshylar áýe tasymalynyń jartysynan astamyn «Eir Astana» baqylaýda ustap otyr.
Básekelestikti qorǵaý agenttigi tóraǵasynyń birinshi orynbasary Rýstam Ahmetov janarmai naryǵyn ashyq etý úshin tsifrlyq platforma engizilip jatqanyn, al aviatsiia salasynda básekelestikti kúsheitýge kúsh salynatynyn málimdedi. Osy baǵyttaǵy alǵashqy qadamdardyń biri – Qazaq Air-diń vetnamdyq investorǵa satylýy, ol aviaparkti keńeitýge mindettelgen.
Sonymen qatar FlyArystan-dy «Eir Astanadan» bólý máselesi qarastyrylýda. Alaida sońǵy sheshim áli qabyldanǵan joq. Bilik naryqqa jańa oiynshylar shyqqannan keiin jaǵdaidy baǵalap, túpkilikti sheshim qabyldaýdy josparlap otyr.
