Depýtat Marhabat Jaiymbetov Qazaqstanda kontrafakt ónimder satylyp jatqanyn aitty, dep habarlaidy Dalanews.kz.
Qazaqstan aýmaǵyna zańsyz ákelingen "Kolgeit-Palmoliv" (Colgate-Palmolive) markaly kontrafakt tis pastasyn satý derekteri anyqtalǵan. Ónimder syrtqy turpaty jaǵynan túpnusqany qaitalaǵanymen, qaptamasy men tańbalanýy resmi talaptarǵa sáikes kelmegen.
Almaty men Shymkent qalalaryndaǵy bazarlarda Bondiýel (Bonduelle) markasymen satylǵan konservilengen kókónister arasynda da jalǵan ónimder tirkelgen.
"Qurylys materialdary, alkogol ónimderi, qurǵaq ashytqylar syndy taýar toptary boiynsha da kontrafakt tirkelip otyr. Bul ónimder qujatsyz, mindetti tańbalaýsyz jáne sanitarlyq-epidemiologiialyq qorytyndylarsyz taratylyp, azamattardyń qaýipsizdigine tikelei qater tóndirip otyr", - dedi depýtat.
