Májilis depýtaty Dáýlet Muqaev 38 jastaǵy kópbalaly áieldiń tusaýyn kesti. Bul týraly depýtat áleýmettik jelide jazdy, – dep habarlaidy Dalanews.kz.
Depýtat ári bloger Muqaev osy kúnge deiin 3600-ge jýyq balanyń tusaýyn keskenin, aldy 9 jasqa kelgenin aitty.
“Óziniń ótinishi boiynsha 38 jastaǵy kópbalaly ananyń tusaýyn kestim. Aq jol! Bastysy oqyrmanymnyń geshtalti jabyldy, armany oryndaldy”, – dep jazdy depýtat.
Degenmen depýtattyń bul áreketin synaǵandar da tabylǵan.
"Mynaý endi shekten shyǵý", "Adamdar aqyldan aljasyp, ne bolaryn bilmei júr me?", "Boiaýshy boiaýshy degenge saqalyn boiapty degendei", - dedi jeli qoldanýshylary.
"D-deńgei. Májilis depýtaty Dáýlet Muqaev insta paraqshasyna “optom” tusaý kesemin dep habarlandyrý beripti. Tipti elý adam kezekke turyp úlgergen. Endi kelesi aktsiia mamyrdyń ortasynda bolady dep oqyrmandaryna qulaqqaǵys qylypty. Depýtattyń deńgeiin qarańyzdar? Ózin qoǵam qairatkeri sekildi sezinip júr. Asanáli Áshimov, Gena Golovkin, Eldos Smetov siiaqty tanymal bolsa she, shirkin?! Dáýletke tusaý kestirý dym da avtoritet emes qoi. Myna bala tusaý keskeni úshin gonorar surasa da tańqalmaimyn. Álde árkimniń qaltasyna qarai kósilip japqan shapanyn, simvolicheskii syilyq dep usynǵan nan salǵyshyn nemese yrymdap bergen 5-10 teńgesin paida retinde kóre me?
Alaida Dáýlet Muqaev oqyrmanynyń "tusaý kesý qansha turady?" degen saýalyna "tegin" dep jaýap qatypty.
Jalpy búginde áleýmettik jelini aýqymdy máseleni sheship, halyqpen bailanysý quraly retinde paidalanýdyń ornyna, kúndelikti qarabaiyr qaptaǵan tsifrlar jazylǵan esep berip, jeke imidji úshin paidalanatyn sheneýnikter kóbeigen. "Bul durys qubylys pa?" degen saýalǵa belgili jýrnalist, qoǵam belsendisi Gúlbaný Ábenova pikirin bildirgen bolatyn.
