Májilis depýtaty Elnur Beısenbaev elimizde oranýǵa tyıym salatyn zań jobasy joq ekenin atap ótti, dep habarlaıdy Dalanews.kz.

Depýtattyń sózinshe, Qazaqstanda dinı-nanym senimge tolyǵymen erkindik berilgen.

“Ermurat Seıtqazyulynyń ol jeke pikiri ǵoı. Hıjab, nıkabqa qatysty másele bizdi qarastyrylyp jatqan joq. Odan da basqa mańyzdy másele bar ǵoı”, - dedi Elnur Beısenbaev.

Eske salaıyq, buǵan deıin depýtat Ermurat Bápı Parlament dinge jáne basqa aǵymdarǵa qatysty máseleni qolǵa alatyn zań jobasyn engizýdi josparlap otyr degen edi.

“Qujatta mektepke dinı kıimmen kelý de bar. Oǵan tolyq tyıym salynady.  Qoǵamdyq orynda betti jaýyp turatyn dinı kıim kıýge tyıym salý da bar. Jaza retinde eskertý jasalyp, aıyppul salý da qarastyrylady”, – dedi Bapı.