Depýtat Ashat Aimaǵambetov muǵalimder úshin jaqsy jańalyqty jetkizdi, dep habarlaidy Dalanews.kz.
Bul týraly depýtat Threads jelisindegi paraqshasynda jazdy.
"Pedagogterdi rils túsirýge májbúrleýden, túnde jáne jumys ýaqytynan tys ýaqytta WhatsApp-ta jaýap berýge mindetteýden, esepti elektron jáne qaǵaz júzinde qaitalap tapsyrýdan qorǵaý úshin arnaiy zań jobasyn ázirledik. Endi zań jobasyn jumysqa qabyldaimyz. Kelesi aptadan bastap jumys tobynda talqylaýdy bastaimyz. Bul – óte mańyzdy másele. Ustazdar artyq mindetpen emes, sapaly bilim men sanaly tárbiemen ainalysýǵa tiis", - dedi ol.
Ashat Aimaǵambetovtiń bul jazbasyna jeli qoldanýshylarynyń biri óz pikirin bildirgen.
"Aimaǵambetov myrza, mektepte jumys isteimin, byltyr mektepke komissiia kelip sabaqqa qatysyp, lessonplandy qaǵaz túrinde berýin ótindi. Men shyǵaryp úlgermedim, "kabinetimde tur, kórseteiin júrińiz, elektron nusqasy bar" degende qabyldamady. Keiin mektep menen "lessonplanyń bolmady" dep túsinikteme alyp, tártiptik keńeske salyp, qatań sógis berdi. Artynan "jumystan shyǵamyn" dep aryz jaz dedi", - dedi muǵalimderdiń biri.
Eske salaiyq, buǵan deiin oqý-aǵartý ministri Juldyz Súleimenova óńirlerdiń Bilim basqarmalaryna shúilikti.
