Depýtat aýyl jastarynan qurylǵan eńbek brigadasymen kezdesti
Sapar barysynda Aidarly eldi mekeninde egin dalasynda jumys istep jatqan aýyl jastarynan qurylǵan eńbek brigadasy múshelerimen kezdesti. Eńbek brigadasy 2019 jyly 15 jastyń birigýimen respýblikada alǵashqylardyń biri bolyp qurylǵan.
Oblys ákiminiń qoldaýymen aýdandaǵy jastardyń jumyssyzdyq deńgeiin tómendetý maqsatynda aýdanǵa qarasty 7 aýyldyq okrýgten (Shirkeili, Aidarly, A.Toqmaǵanbetov, Amankeldi, Besaryq, Jetikól, Qoǵalykól a/o) jastar brigadalary qaita quryldy.
Búginde eńbek brigadalary qatarynda jumyssyz, NEET sanatyndaǵy, probatsiia esebinde turatyn 200-ge jýyq jastar jumys isteidi. Aýyl jastaryna memleket tarapynan qoldaý kórsetilgen. Máselen, tegin ýaqytsha jer berilip, demeýshilik esebinen jer jyrtý, egin alqabyn qorshaý jáne janar-jaǵarmai otynymen tolyqqandy qamtamasyz etilgen. Aýdannyń eńbekqor jastary búginde 35 gektar kartop daqylyn jáne 25 gektar jerge baqsha daqyldaryn egip otyr.
Jiynda jastar brigadalarynyń músheleri depýtattarǵa ózderin tolǵandyrǵan máselelerin kóterip, suraqtaryn qoidy.
Óz kezeginde depýtattar jastarǵa «Aýyl amanaty», «Jer amanaty» partiialyq jobalary aiasynda aýyl jastaryna bos jatqan jerlerdi tiimdi igerý turǵysynan jan-jaqty qoldaý kórsetilý kerektigin atap ótti.
