ساپار بارىسىندا ايدارلى ەلدى مەكەنىندە ەگىن دالاسىندا جۇمىس ىستەپ جاتقان اۋىل جاستارىنان قۇرىلعان ەڭبەك بريگاداسى مۇشەلەرىمەن كەزدەستى. ەڭبەك بريگاداسى 2019 جىلى 15 جاستىڭ بىرىگۋىمەن رەسپۋبليكادا العاشقىلاردىڭ ءبىرى بولىپ قۇرىلعان.
وبلىس اكىمىنىڭ قولداۋىمەن اۋدانداعى جاستاردىڭ جۇمىسسىزدىق دەڭگەيىن تومەندەتۋ ماقساتىندا اۋدانعا قاراستى 7 اۋىلدىق وكرۋگتەن (شىركەيلى، ايدارلى، ا.توقماعانبەتوۆ، امانكەلدى، بەسارىق، جەتىكول، قوعالىكول ا/و) جاستار بريگادالارى قايتا قۇرىلدى.
بۇگىندە ەڭبەك بريگادالارى قاتارىندا جۇمىسسىز، NEET ساناتىنداعى، پروباسيا ەسەبىندە تۇراتىن 200-گە جۋىق جاستار جۇمىس ىستەيدى. اۋىل جاستارىنا مەملەكەت تاراپىنان قولداۋ كورسەتىلگەن. ماسەلەن، تەگىن ۋاقىتشا جەر بەرىلىپ، دەمەۋشىلىك ەسەبىنەن جەر جىرتۋ، ەگىن القابىن قورشاۋ جانە جانار-جاعارماي وتىنىمەن تولىققاندى قامتاماسىز ەتىلگەن. اۋداننىڭ ەڭبەكقور جاستارى بۇگىندە 35 گەكتار كارتوپ داقىلىن جانە 25 گەكتار جەرگە باقشا داقىلدارىن ەگىپ وتىر.
جيىندا جاستار بريگادالارىنىڭ مۇشەلەرى دەپۋتاتتارعا وزدەرىن تولعاندىرعان ماسەلەلەرىن كوتەرىپ، سۇراقتارىن قويدى.
ءوز كەزەگىندە دەپۋتاتتار جاستارعا «اۋىل اماناتى»، «جەر اماناتى» پارتيالىق جوبالارى اياسىندا اۋىل جاستارىنا بوس جاتقان جەرلەردى ءتيىمدى يگەرۋ تۇرعىسىنان جان-جاقتى قولداۋ كورسەتىلۋ كەرەكتىگىن اتاپ ءوتتى.
