Senator Andrei Lýkin AES qurylysyna qatysty pikir bildirip, stantsiiany Abai oblysyndaǵy Kýrchatov qalasyna ornalastyrýdy usyndy, dep habarlaidy Dalanews.kz.
Lýkinniń sózinshe, burynǵy Semei iadrolyq poligonynyń mańynda atom energetikasy salasynda zertteý ortalyqtary bolǵan jáne olar áli kúnge deiin jumysyn jalǵastyryp keledi. Qala biýdjetiniń eleýli bóligin osy ortalyqtardyń salyqtyq túsimderi quraidy.
“Kýrchatovtyń bul salada mańyzy joǵary, sebebi qala seismikalyq turaqty aimaqta ornalasqan. Infraqurylymy damyǵan jáne energetikalyq qýat kózderin apattyq jaǵdaida rezervke ala alady. Ǵylymi-tehnikalyq qoldaý jetkilikti deńgeide, radioaktivti qaldyqtardy saqtaityn resýrstar men sý qory da bar”, - dep atap ótti Lýkin.
Aita keteiik, kúni keshe jumys saparymen Qazaqstanǵa kelgen Reseidiń Syrtqy ister ministri Lavrov Resei Qazaqstanda birinshi atom elektr stantsiiasyn salý jónindegi halyqaralyq konsortsiýmǵa qatysýǵa daiyn ekenin málimdegen edi.
"Resei kómektesýmen ǵana shektelmei, AES qurylysyna qatysty usynystaryn da daiyndap qoidy. Biz Qazaqstanda ótken referendýmdy muqiiat baqylap, prezident Toqaevtyń atom energetikasyn damytý josparlaryna qoldaý kórsettik. "Rosatom" osy máselede qazaqstandyq dostarymyzben birlesip jumys isteýge tolyq daiyn. Sondai-aq basqa memleketterdiń tiisti agenttikterimen jáne qurylymdarymen yntymaqtasýǵa ashyqpyz", – dedi Lavrov.
Eske salaiyq, 2 qyrkúiekte Qasym-Jomart Toqaev Qazaqstanda atom elektr stantsiiasyn salý máselesi boiynsha referendým ótkizý týraly Jarlyqqa qol qoidy.
Referendým boiynsha daýys berý 6 qazanda sailaý ýchaskelerinde saǵat 07:00-den 20:00-ge deiin ótti. Bul rette 80-nen asa ýchaske óz jumysyn 06:00-de bastady. Respýblika boiynsha daýys berýge arnalǵan 10 000-nan asa ýchaske quryldy.
Shetelde Seýl men Tokioda ýchaskeler birinshi ashyldy.
AES salýdy daýys bergenderdiń 71,12 paiyzy qoldady. Referendýmǵa daýys berý tizimine 12,3 millionǵa jýyq qazaqstandyq engizilgen.
