QR Densaýlyq saqtaý mınıstri Alekseı Soı QazCovid-In - qazaqstandyq vaksınasyn kútip júrgenin, otandyq ónimdi qoldaý týraly sheshim qabyldaǵanyn aıtty, dep habarlaıdy Dalanews.kz.

Ol QazCovid-In - qazaqstandyq vaksınasynyń klınıkalyq synaqtarynyń sońǵy kezeńi júrip jatqanyn aıtty.

Bul - ınaktıvti vaksına, klınıkaǵa deıingi jáne klınıkalyq zertteýlerdiń barlyq kezeńderi bizdiń erekshe baqylaýymyzda. Densaýlyq saqtaý mınıstri retinde men qazaqstandyq vaksınany qoldanǵym keldi. Ol óndiriske shyqqan kezde ony alǵashqylardyń biri bolyp ektiremin, - dedi Alekseı Soı OKQ-da ótken brıfıńide.

1 aqpanda Qazaqstan reseılik Sputnik V vaksınasymen koronavırýs ınfeksıasyna qarsy jappaı vaksınasıalaý naýqanyn bastap ketti. Densaýlyq saqtaý vıse-mınıstrleri men sanıtarlyq dárigerler vaksına saldyryp úlgerdi.

Jalpy, qazirdiń ózinde 13 301 medısına qyzmetkeri ekpe aldy.