Jasyratyny joq, qazir jan-jaǵymyzǵa kóz tastap, bolyp jatqan jaǵdailardy zerdeleýimiz tiis. Osaldyq tanytýǵa bolmaidy. Kórshi elderdegi háldi ańǵaryp júrmiz. Onyń arty ne bolaryn boljaý qiyn.
Sondyqtan Memleket basshysy Qasym-Jomart Toqaevtyń Prezident sailaýyn merziminen buryn ótkizý týraly sheshim qabyldaǵany óte durys boldy. Osy arqyly sailaýdan keiin saiasi júiemizdi retke keltirip alyp, damýdyń jolyna kedergisiz túse alamyz.
Qazir barlyǵyna jol ashyq ýaqyt. Memleket úshin qyzmet etemin degen adam Prezident sailaýyna túsip, qalasa saiasi partiialardy da ońai qurady.
Biylǵy Prezident sailaýy elimizdiń búkil saiasi júiesin qaita jandandyrýǵa jol ashatyny sózsiz.
Demokratiialyq jolmen alǵa basyp kelemiz. Ádil sailaýdan keiin saiasatymyz serpin alyp, jahandyq máselelerde elimiz súrinbei óterine senim mol. Halyq bilikke iek artady, sondyqtan bilik ókilderi el aldyndaǵy óz jaýapkershiligin tereń uǵynyp, ádildikke negizdelgen saiasi júieni qalyptastyrǵany jón. Bul úrdistiń bári kezeń-kezeńimen júzege asýda.
Ádilbek YBYRAIYMULY, aqyn, Halyqaralyq «Alash» syilyǵynyń laýreaty
