Parlament depýtaty Ermurat Bapi Prezident janyndaǵy Ulttyq quryltaidyń múshesi, saiasattanýshy Daniiar Áshimbaevtyń Májilistiń eks-tóraǵasy Nurlan Nyǵmatýlin men onyń egiz inisi, burynǵy senator Erlan Nyǵmatýlinniń tóńiregindegi jazbalar arnaiy tapsyryspen jazylýy múmkin degen málimdemesine qatysty pikir bildirdi, dep habarlaidy Dalanews.kz.
“Meniń oiymsha, Nyǵmatýlinniń osy ýaqytqa deiin elden boi tasalap júrýi - beker emes. Ol neden qorqady? Nege ol elde emes? Nege shetelde júr? Demek ol bir nárseden qorqady. Demek ol bir nárse búldirdi. Endi ony aqtap shyǵý maqsatynda tapsyrystar túsip jatyr”, - dedi Bapi QazTAG tilshisiniń suraqtaryna jaýap bere otyryp.
Eske salaiyq, buǵan deiin Áshimbaev Nyǵmatýlinderdi jaqtap, olardyń tarapyna jazylǵan teris jazbalar arnaiy tapsyryspen jariialanýy múmkin ekenin málimdegen bolatyn. Dese de ol taǵylǵan aiyptardyń birde-bireýin dáleldermen joqqa shyǵara almady.
Aita keteiik, kezinde Áshimbaev Nurlan Nyǵmatýlinniń qolynan Májilis syilyǵyn alyp, eks-prezident Nursultan Nazarbaevtyń alǵys hatymen marapattalǵan bolatyn. Sonymen qatar ol - “Eski Qazaqstan”ókilderine arnalǵan kóptegen maqalanyń avtory.
Nurlan Nyǵmatýlin qańtar oqiǵasynan keiin araǵa bir ai salyp, iaǵni 2022 jyly 1 aqpanda Májilis tóraǵasy qyzmetinen ketken edi. 2016 jyldan beri parlamenttiń tómengi palatasyn basqarǵan ol ókilettigin merziminen buryn toqtatýǵa ótinishti ózi bergen. Bul onyń ekinshi tóraǵalyǵy bolatyn. Buǵan deiin 2012-2014 jyldary da Májilis spikeri bolǵan. Sonymen birge ol mansap jolynda prezident ákimshiligin basqaryp, Qaraǵandy oblysynyń ákimi boldy.
Nurlan Nyǵmatýlinniń egiz inisi Erlan Nyǵmatýlin de Májilis pen Senatta depýtattyq mandatyn ielendi.
Jaqynda eki aǵaiyndy reiderlik shabýyl isi boiynsha qylmystyq iske qatysy bar degen kúdikke ilingen bolatyn. Alaida ekeýi áli de bostandyqta júr.
