پارلامەنت دەپۋتاتى ەرمۇرات باپي پرەزيدەنت جانىنداعى ۇلتتىق قۇرىلتايدىڭ مۇشەسى، ساياساتتانۋشى دانيار اشىمبايەۆتىڭ ءماجىلىستىڭ ەكس-توراعاسى نۇرلان نىعماتۋلين مەن ونىڭ ەگىز ءىنىسى، بۇرىنعى سەناتور ەرلان ءنىعماتۋليننىڭ توڭىرەگىندەگى جازبالار ارنايى تاپسىرىسپەن جازىلۋى مۇمكىن دەگەن مالىمدەمەسىنە قاتىستى پىكىر ءبىلدىردى، دەپ حابارلايدى Dalanews.kz.
“مەنىڭ ويىمشا، ءنىعماتۋليننىڭ وسى ۋاقىتقا دەيىن ەلدەن بوي تاسالاپ ءجۇرۋى - بەكەر ەمەس. ول نەدەن قورقادى؟ نەگە ول ەلدە ەمەس؟ نەگە شەتەلدە ءجۇر؟ دەمەك ول ءبىر نارسەدەن قورقادى. دەمەك ول ءبىر نارسە ءبۇلدىردى. ەندى ونى اقتاپ شىعۋ ماقساتىندا تاپسىرىستار ءتۇسىپ جاتىر”، - دەدى باپي قازتاگ ءتىلشىسىنىڭ سۇراقتارىنا جاۋاپ بەرە وتىرىپ.
ەسكە سالايىق، بۇعان دەيىن اشىمبايەۆ نىعماتۋليندەردى جاقتاپ، ولاردىڭ تاراپىنا جازىلعان تەرىس جازبالار ارنايى تاپسىرىسپەن جاريالانۋى مۇمكىن ەكەنىن مالىمدەگەن بولاتىن. دەسە دە ول تاعىلعان ايىپتاردىڭ بىردە-بىرەۋىن دالەلدەرمەن جوققا شىعارا المادى.
ايتا كەتەيىك، كەزىندە اشىمبايەۆ نۇرلان ءنىعماتۋليننىڭ قولىنان ءماجىلىس سىيلىعىن الىپ، ەكس-پرەزيدەنت نۇرسۇلتان نازاربايەۆتىڭ العىس حاتىمەن ماراپاتتالعان بولاتىن. سونىمەن قاتار ول - “ەسكى قازاقستان”وكىلدەرىنە ارنالعان كوپتەگەن ماقالانىڭ اۆتورى.
نۇرلان نىعماتۋلين قاڭتار وقيعاسىنان كەيىن اراعا ءبىر اي سالىپ، ياعني 2022 جىلى 1 اقپاندا ءماجىلىس ءتوراعاسى قىزمەتىنەن كەتكەن ەدى. 2016 جىلدان بەرى پارلامەنتتىڭ تومەنگى پالاتاسىن باسقارعان ول وكىلەتتىگىن مەرزىمىنەن بۇرىن توقتاتۋعا ءوتىنىشتى ءوزى بەرگەن. بۇل ونىڭ ەكىنشى ءتوراعالىعى بولاتىن. بۇعان دەيىن 2012-2014 جىلدارى دا ءماجىلىس سپيكەرى بولعان. سونىمەن بىرگە ول مانساپ جولىندا پرەزيدەنت اكىمشىلىگىن باسقارىپ، قاراعاندى وبلىسىنىڭ اكىمى بولدى.
نۇرلان ءنىعماتۋليننىڭ ەگىز ءىنىسى ەرلان نىعماتۋلين دە ءماجىلىس پەن سەناتتا دەپۋتاتتىق مانداتىن يەلەندى.
جاقىندا ەكى اعايىندى رەيدەرلىك شابۋىل ءىسى بويىنشا قىلمىستىق ىسكە قاتىسى بار دەگەن كۇدىككە ىلىنگەن بولاتىن. الايدا ەكەۋى ءالى دە بوستاندىقتا ءجۇر.
