Máselen, Nur-Sultan qalasyndaǵy juqpaly aýrýlar gospıtali boıynsha qurylys holdıńi málimdegen quny QQS-syz 5 034 233 myń teńge jalpy somasy QQS-syz 4 956 769 myń teńgege baǵalanǵan qurylys quny rastaldy;
Almaty qalasyndaǵy juqpaly aýrýlar medısınalyq mekemesiniń qurylysy boıynsha shyǵyndardy «Deloıt» jalpy somasy QQS-syz 4 363 409 myń teńgege rastady, qurylys holdıńi málimdegen quny QQS-syz 4 383 083 myń teńge.
Tapsyrys berýshiler búgingi tańda Nur-Sultan qalasyndaǵy gospıtál boıynsha QQS-syz 4 665 178 myń teńge jáne Almatydaǵy gospıtál boıynsha QQS-syz 4 221 065 myń teńge mólsherinde soma tóledi. Jobalardyń qarjylyq nátıjesiniń teris bolý sebebi shekteýli merzim men Qazaqstandaǵy jáne odan tys jerlerdegi shekaralardyń jabylǵan ýaqytynda ústeme shyǵyndardyń ósip ketýi saldarynan bolǵandyǵyn atap ótken jón. Holdıń qazirgi ýaqytta Tapsyrys berýshiler tarapynan qoıylatyn talaptarǵa baılanysty gospıtáldarǵa qosymsha jabdyqtaý jumystaryn júrgizip jatyr.
BI Group holdıńi ótken jyldyń sáýir aıynda juqpaly aýrýlar gospıtáldarynyń qurylysyna bólingen qarajattyń maqsatty paıdalanylýyn rastaý úshin halyqaralyq deńgeıdegi bedeldi kompanıa shaqyrylatynyn aıtqandyǵyn esterińizge sala keteıik. Shyǵyndardyń negizdiligine qatysty Deloitte TCF kompanıasymen táýelsiz qarjylyq-tehnıkalyq taldaý qyzmetterin kórsetýge arnalǵan shart 2020 jylǵy 13 sáýirde jasalǵan.
Anyqtamalyq aqparat: Deloitte – álemniń 150-den astam elinde ekonomıkanyń túrli salasynda jumys isteıtin kásipkerlerge konsaltıń jáne býhgalterlik eseptilikti tekserý boıynsha qyzmet kórsetetin ári aýdıtorlyq fırmalardyń jahandyq «úlken tórttigine» kiretin kompanıalardyń halyqaralyq jelisi.
