"Daıyndalyńyz, aıttyq qoı baǵanadan beri!" Aımaǵambetov vıse-mınıstrge jekip tastady

Saǵynysh Sardarova 08 aqp. 2024 17:05 5763

Komıtettiń keńeıtilgen otyrysynda Májilis depýtaty, áleýmettik-mádenı damý komıtetiniń tóraǵasy Ashat Aımaǵambetov týrızm jáne sport vıse-mınıstri Mıras Tólebaevqa qatqyl eskertý jasady, - dep habarlaıdy Dalanews.kz.

Aımaǵambetov Tólebaev bes mınýtty bosqa alǵanyn aıtyp synaǵan.

"Birdeńe túsindińizder me, áriptester?! 32 dedi, 72 dedi, ol qaısy ishindegi? Qandaı júıeli másele? Mine, bes mınýt sóıledińiz. Reglamentke saı sóılegenińizge raqmet. Biraq bir problemany da ashyp kórsete almadyńyz, ol problemanyń sheshimin de kórsete almadyńyz. Jalpylama sóz. Bir máseleni, shyny kerek, túsingen joqpyz. Zań jobasynyń ishinde tikeleı sybaılas jemqorlyqtyń aldyn alý boıynsha sonshalyqty normalardy kórip otyrǵan joqpyz. Barlyq máseleni zań jobasyn sheshetindeı qylyp kórsetip otyrsyz. Biraq onyń ishinde basqa máseleler qamtylyp otyr. Sondyqtan daıyndalyńyz. Qazir bizdiń depýtattar suraq qoıady. Ýaqyt berdik qoı. Naqty-naqty bir problemalardy kórsetpeısizder me? Aıttyq qoı baǵanadan beri", - dedi Aımaǵambetov.


Usynylǵan
Sońǵy jańalyqtar