كوميتەتتىڭ كەڭەيتىلگەن وتىرىسىندا ءماجىلىس دەپۋتاتى، الەۋمەتتىك-مادەني دامۋ كوميتەتىنىڭ ءتوراعاسى اسحات ايماعامبەتوۆ تۋريزم جانە سپورت ۆيسە-مينيسترى ميراس تولەبايەۆقا قاتقىل ەسكەرتۋ جاسادى، - دەپ حابارلايدى Dalanews.kz.
ايماعامبەتوۆ تولەبايەۆ بەس مينۋتتى بوسقا العانىن ايتىپ سىناعان.
"بىردەڭە تۇسىندىڭىزدەر مە، ارىپتەستەر؟! 32 دەدى، 72 دەدى، ول قايسى ىشىندەگى؟ قانداي جۇيەلى ماسەلە؟ مىنە، بەس مينۋت سويلەدىڭىز. رەگلامەنتكە ساي سويلەگەنىڭىزگە راقمەت. ءبىراق ءبىر پروبلەمانى دا اشىپ كورسەتە المادىڭىز، ول پروبلەمانىڭ شەشىمىن دە كورسەتە المادىڭىز. جالپىلاما ءسوز. ءبىر ماسەلەنى، شىنى كەرەك، تۇسىنگەن جوقپىز. زاڭ جوباسىنىڭ ىشىندە تىكەلەي سىبايلاس جەمقورلىقتىڭ الدىن الۋ بويىنشا سونشالىقتى نورمالاردى كورىپ وتىرعان جوقپىز. بارلىق ماسەلەنى زاڭ جوباسىن شەشەتىندەي قىلىپ كورسەتىپ وتىرسىز. ءبىراق ونىڭ ىشىندە باسقا ماسەلەلەر قامتىلىپ وتىر. سوندىقتان دايىندالىڭىز. ءقازىر ءبىزدىڭ دەپۋتاتتار سۇراق قويادى. ۋاقىت بەردىك قوي. ناقتى-ناقتى ءبىر پروبلەمالاردى كورسەتپەيسىزدەر مە؟ ايتتىق قوي باعانادان بەرى"، - دەدى ايماعامبەتوۆ.
