– Qalada 2020 jyldan bastap túrli bastamashyl toptardyń usynysymen, ákimdiktiń qoldaýymen 8 ortalyq ashyldy. Olar halyqtyń áleýmettik osal toptarymen jumys isteidi. Bul ortalyqtar tabysty jumys istep keledi. Olardyń qatarynda «Strong Mothers» bilim berý ortalyǵy, «Altyn Shańyraq Uiasy» kiim tigý tsehy, «Baqytty Shańyraq» qyzmet kórsetý boiynsha kópsalaly ortalyq jáne t.b. bar. Bul jumys turaqty negizde júrgiziledi, – dedi Dáýren Babamuratov.
Qala turǵyndaryna yńǵaily bolý úshin Nur-Sultanda turǵyn úi salasynda qyzmet kórsetetin biryńǵai ortalyq jumys isteidi. Bul ortalyqta túrli keńes alýǵa bolady.
Mysalǵa turǵyn úi kezegine turý, turǵyn úi kezeginiń nómirin tekserý, turǵyn úi baǵdarlamalaryna kim jáne qandai talaptar boiynsha qatysa alady, turǵyn úi sertifikatyn qalai alýǵa bolady, kredittik/jaldamaly páterler máseleleri sekildi túrli saýaldarǵa jaýap alýǵa bolady.
Mundai ortalyqtar jumysty júielendirýge jáne «bir tereze» qaǵidaty boiynsha qyzmet kórsetýge múmkindik beredi. 2019 jyly «Januia» otbasy institýtyn qoldaý ortalyǵy ashyldy, onda mamandar azamattarǵa áleýmettik máseleler boiynsha keńes beredi.
Onyń aitýynsha, Open Akimat aiasynda qalalyq ákimdik bastamashyl toptardyń ókilderimen júieli túrde kezdesýler ótkizip, týyndaǵan máselelerdi túsindiredi. Sondai-aq, bastamashyl toptardy qyzyqtyratyn zańnamadaǵy ózgeristerdi túsindirý maqsatynda Parlament Májilisi depýtattarymen, Úkimet ókilderimen kezdesýler uiymdastyryldy.
– Nur-Sultan qalasynda túrli bastamashyl toptardyń árbir suranysymen tiisti, ataýly, ekpindi jumys bar. Ol ylǵi ári turaqty júrgiziledi. Budan basqa, árbir azamat qala ákimi Altai Seidirulyna tikelei júgine alady. Tek 2020 jyldyń ózinde qala ákimi 1200-den astam azamatty jeke qabyldady. 2021 jyldyń birinshi toqsanynda 100-den astam adam elorda ákiminiń jeke qabyldaýynda boldy.
Azamattardyń máseleleriniń 70%-dan astamy sol jerde nemese bir-eki kún ishinde sheshiledi. Elorda ákimdigi árdaiym ashyq dep senimmen aita alamyz, qala turǵyndarynyń múddelerin qozǵaityn árbir bastama tyńdaýsyz qalmai, nazarǵa alynady, – dep túiindedi Dáýren Babamuratov.
Biyl Naýryz meiramy qaiyrymdylyq aktsiialary men igi ister aiasynda atap ótildi. Mereke kúnderi áleýmettik az qamtylǵan, kópbalaly jáne erekshe qajettilikteri bar balalardy tárbielep otyrǵan otbasylarǵa tórt myńǵa jýyq azyq-túlik sebeti taratyldy.
Esterińizge sala keteiik, sebetterdi taratý aktsiiasy osy jyldyń naýryz aiynda ótkizildi. Oǵan máslihat depýtattary, Halyk Bank, metsenattar, kásipkerler, eriktiler, sondai-aq qalanyń belsendi turǵyndary qatysty.
Sonymen qatar, eriktiler muqtaj jandardyń, jalǵyz basty qart adamdardyń aýlalarynyń qaryn kúreýge kómektesti.
Aita ketý kerek, aktsiialar qatań sanitarlyq normalar men talaptardy saqtai otyryp ótkiziledi.
