Búgin «DAÝYS» qoǵamdyq baiqaýshylar koalitsiiasy myńdaǵan belsendi azamattardyń basyn biriktirdi jáne respýblikadaǵy barlyq daýys berý ýchaskesinde referendýmnyń ótýine baqylaý jasaý boiynsha aýqymdy naýqan júrgizdi.
«DAÝYS» baiqaýshylary ýchaskeler ashylǵannan bastap iri qalalar men shalǵai aýyldarda jumys istedi.
Kúni boiy ýchaskelerdegi barlyq jaǵdai naqty ýaqyt rejiminde baqylanǵan jáne baqylaýshylardyń aqparaty shoǵyrlandyrylǵan «DAÝYS» sitýatsiialyq ortalyǵy jumys istedi.
Bizdiń baqylaýshylar daýys berý protsesiniń barlyq kezeńderin egjei-tegjeili tirkep otyrdy.
Jumys barysynda ýchaskelik komissiialardyń jumysyna eskertýler aityldy.
Bizdiń eskertýler oń qabyldanyp, kemshilikter der kezinde joiyldy.
Referendým nátijelerine áser etetin zań buzýshylyqtar anyqtalmaǵanyn atap ótýge bolady.
Komissiialardyń jumysy daýys berý protsesiniń zańdylyǵy men ashyqtyǵyn qamtamasyz etti.
Qazir biz Koalitsiianyń aimaqtyq filialdary men ÚEU-áriptesterden jinalǵan málimetterge egjei-tegjeili taldaý jasap jatyrmyz.
Monitoring nátijeleri týraly tolyqqandy esepti jaqyn arada jariialaimyz.
«DAÝYS» Koalitsiiasy barlyq áriptesterge jáne óńirlerdegi baiqaýshylar komandalarynyń quramyna kórsetken jaýapkershiligi men kásibiligi úshin alǵysyn bildiredi.
