Búginge deıin óńirimizdiń Arys qalasy men Saryaǵash, Maqtaaral, Jetisaı, Keles, Shardara, Qazyǵurt jáne Tólebı aýdandarynda uıymdastyrylǵan sharaǵa oblysymyzǵa tanymal dintanýshy-teologtar, bedeldi sportshylar, mádenıet maıtalmandary men zıaly qaýym ókilderi, Qazaqstan musylmandary dinı basqarmasynyń oblystyq fılıaldarynyń ımamdary jáne ózge de sala ókilderi qatysty.
Máselen, Arys qalasynda ótken jıynda qala ákiminiń orynbasary Rysdáýlet Aıtbaev júrgizip, shahardaǵy dinı ahýal jaıly keńinen aıtyp berdi.
Aıtýynsha, búgingi tańda Arysta «Dinı qyzmet jáne dinı birlestikter týraly» qabyldanǵan Zańǵa sáıkes tirkelip jumys istep jatqan dinı konfesıalardyń jalpy sany – 2. Olar: Islamdyq jáne Hrıstıandyq baǵytta. Qala aýmaǵyndaǵy dinı birlestikter men fılıaldar – 27.
Onyń ishinde: 1-prıhod («Shymkent qalasynyń Arys qalasyndaǵy Bojıeı Materı qazan ıkonasy prıhody» jergilikti pravoslavıelik dinı birlestigi) pravoslavtyq baǵytta bolsa, Qazaqstan musylmandar dinı basqarmasyna qarasty 26 meshit jumys isteıdi. Olardyń barlyǵymen tyǵyz baılanys ornatylǵan. Jalpy alǵanda, qala aýmaǵynda dinı ahýal turaqty.
