Áleýmettik jeliler men BAQ-ta Dariǵa Nazarbaeva kitap jazǵany týraly aqparat tarady. Derekterge súiensek, 21 maýsymda Nazarbaevanyń "Moi zaslýgi pered narodom" atty kitabynyń jabyq tusaýkeseri de ótken. Jelide tarap ketken aqparatqa qatysty kitap dúkeni ókilderi jaýap berdi, - dep habarlaidy Dalanews.kz.
Kitapta Nazarbaevtyń tuńǵyshy Dariǵa Nazarbaeva ómiri men eńbek joly týraly, oǵan qosa Qazaqstannyń damýyna qosqan úlesin jazǵany aitylady.
"Kitapta Qazaqstannyń tuńǵysh prezidenti Nursultan Nazarbaevtyń úlken qyzy ómiri men jumysy týraly estelikterin bólisip, eldiń damýyna qosqan úlesi týraly aityp, Qazaqstannyń bolashaǵy týraly oi qozǵaidy. Meloman qandai da bir sebeptermen saittan kitapqa aldyn ala tapsyrys berýdi alyp tastady. Kitap áli satylymǵa shyqqan joq", - dep jazdy derekkóz.
"Meloman" kitap dúkeni ókilderi mundai kitap joq ekenin, satylymda da bolmaǵanyn aitty.
"Jaqynda áleýmettik jelilerde "Moi zaslýgi pered narodom" kitabynyń satylymy týraly jazbalar paida boldy. Mundai kitap bizdiń saitta nemese Marwin/"Meloman" jelisiniń dúkenderinde eshqashan satylmaǵan. Bizdiń bilýimizshe, mundai kitap joq", - dep jaýap berdi kitap dúkeni.
Aita keteiik, buǵan deiin tuńǵysh prezident Nursultan Nazarbaev "Meniń ómirim. Bodandyqtan bostandyqqa" atty kitap jazǵan edi. Nazarbaev kitabynda ekinshi áielinen týǵan balalary, Kárim Másimov, Rahat Áliev jáne óziniń týystary týraly sóz qozǵaǵan.
