ەلەۋمەتتٸك جەلٸلەر مەن باق-تا داريعا نازارباەۆا كٸتاپ جازعانى تۋرالى اقپارات تارادى. دەرەكتەرگە سٷيەنسەك, 21 ماۋسىمدا نازارباەۆانىڭ "موي زاسلۋگي پەرەد نارودوم" اتتى كٸتابىنىڭ جابىق تۇساۋكەسەرٸ دە ٶتكەن. جەلٸدە تاراپ كەتكەن اقپاراتقا قاتىستى كٸتاپ دٷكەنٸ ٶكٸلدەرٸ جاۋاپ بەردٸ, - دەپ حابارلايدى Dalanews.kz.
كٸتاپتا نازارباەۆتىڭ تۇڭعىشى داريعا نازارباەۆا ٶمٸرٸ مەن ەڭبەك جولى تۋرالى, وعان قوسا قازاقستاننىڭ دامۋىنا قوسقان ٷلەسٸن جازعانى ايتىلادى.
"كٸتاپتا قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ ٷلكەن قىزى ٶمٸرٸ مەن جۇمىسى تۋرالى ەستەلٸكتەرٸن بٶلٸسٸپ, ەلدٸڭ دامۋىنا قوسقان ٷلەسٸ تۋرالى ايتىپ, قازاقستاننىڭ بولاشاعى تۋرالى وي قوزعايدى. مەلومان قانداي دا بٸر سەبەپتەرمەن سايتتان كٸتاپقا الدىن الا تاپسىرىس بەرۋدٸ الىپ تاستادى. كٸتاپ ەلٸ ساتىلىمعا شىققان جوق", - دەپ جازدى دەرەككٶز.
"مەلومان" كٸتاپ دٷكەنٸ ٶكٸلدەرٸ مۇنداي كٸتاپ جوق ەكەنٸن, ساتىلىمدا دا بولماعانىن ايتتى.
"جاقىندا ەلەۋمەتتٸك جەلٸلەردە "موي زاسلۋگي پەرەد نارودوم" كٸتابىنىڭ ساتىلىمى تۋرالى جازبالار پايدا بولدى. مۇنداي كٸتاپ بٸزدٸڭ سايتتا نەمەسە Marwin/"مەلومان" جەلٸسٸنٸڭ دٷكەندەرٸندە ەشقاشان ساتىلماعان. بٸزدٸڭ بٸلۋٸمٸزشە, مۇنداي كٸتاپ جوق", - دەپ جاۋاپ بەردٸ كٸتاپ دٷكەنٸ.
ايتا كەتەيٸك, بۇعان دەيٸن تۇڭعىش پرەزيدەنت نۇرسۇلتان نازارباەۆ "مەنٸڭ ٶمٸرٸم. بوداندىقتان بوستاندىققا" اتتى كٸتاپ جازعان ەدٸ. نازارباەۆ كٸتابىندا ەكٸنشٸ ەيەلٸنەن تۋعان بالالارى, كەرٸم مەسٸموۆ, راحات ەليەۆ جەنە ٶزٸنٸڭ تۋىستارى تۋرالى سٶز قوزعاعان.
