– El Prezidenti «Halyq únine qulaq asatyn memleket» tujyrymdamasyn júzege asyrýdy tapsyrdy. Bul rette turǵyndardyń árbir ótinishi eskerýsiz ári jaýapsyz qalmaýy tiis. Zań sheńberinde túsindirý jáne qoldaý jumystary atqarylýy qajet, – degen Darhan Satybaldy Saryaǵash, Shardara, Sairam, Túlkibas jáne Qazyǵurt aýdany turǵyndarynyń aryz-shaǵymdaryn tyńdady.
Saryaǵashtyq turǵyn asfalt tóseý, joldy jóndeý máselesin qozǵady. Kóshege gaz, sý qubyrlary tartylǵandyqtan jol tóselmegen. Al taǵy bir turǵyn Shardara aýdanynda sýarmaly jer berý, shalǵai aýylǵa emdeý mekemesin salý jóninde ótinish aitty. Ótinish ielerine zań aiasynda túsinikteme berildi.
Oblys ákimi jaýapty basqarma basshysyna Saryaǵashtaǵy turǵyn aitqan aýmaqta jol máselesin zerdeleý týraly tapsyrma berdi. Shardaradaǵy sýarmaly jer máselesi de sheshimin tabatyny, konkýrsqa beriletini aityldy.
Sairamdyq turǵyn aýdan ortalyǵyndaǵy alańnyń qurylysy sapasyz júrgizilgeni jáne mekteptegi zańsyzdyq týraly shaǵymdandy. Óńir basshysy qurylysty saraptap, merdigerdiń jumysyn tekserý jóninde tapsyrma berdi. Mekteptegi direktorǵa qatysty shaǵym da tekseriletin boldy. Oblystyq adami áleýetti damytý basqarmasyna naqty tapsyrma berildi. Atalǵan basqarma basshysyna túlkibastyq turǵynnyń balabaqsha meńgerýshisine bailanysty shaǵymy boiynsha da jumys júrgizý, zerdeleý mindetteldi. Sonymen birge úsh másele kótergen qazyǵurttyq turǵynnyń ótinishteri men usynystary da nazarǵa alynatyn boldy.
