Osydan on jyl buryn sý arnasynyń gidroqurylǵylaryn qaita qurý jumystary bastalǵan. Araǵa ýaqyt salyp jóndeý jumystary toqtap qalǵan. 2018 jyldan bastap qaita jalǵasqanymen, 2019 jyldan beri qurylys jumystary toqtap tur. Kanaldyń 25 shaqyrymy betondalý kerek bolsa, onyń 14 shaqyrymy, ishki tarmaqtarynyń 175 shaqyrymy betondalý kerek bolsa, onyń 52 shaqyrymy ǵana betondalǵan. Josparlanǵan 4 nasos stantsiiasynyń eshbiri qoiylmaǵan. Qurylysqa qaralǵan qarjy 6,076 mlrd.teńgeniń, 3,6 mlrd. teńgesi igerilip ketken. Atqarylǵan qurylys jumystarynyń sapasynda kóptegen kemshilikter tirkelýde, kanaldyń jóndeýden ótken bólikteri qaita jaramsyz kúige ainalýda, ishki sý júieleriniń sý ótkizý qabileti nasharlap jatyr.
– Óńirimiz úshin aǵyn sýdyń asa mańyzdy ekenin bilesizder. Jumys durys josparlanbaǵan. Zardabyn el tartyp otyr. Máseleni túbegeili sheship, kanaldy tolyq jóndeý kerek. Diqandarǵa qoldaý kórsetken jón, – dedi Darhan Satybaldy.
Óńir basshysy Shardara sý qoimasynan mashinalyq ádispen sý berý kanalynyń da (Táýelsizdiktiń 20 jyldyǵy kanaly) ózekti máselelerimen tanysty. Uzyndyǵy 29 myń shaqyrymdy quraityn kanal 2009-2010 jyldary salynǵan. Sýarmaly jer kólemi – 86 700 ga. Jetisai aýdanynyń egistik alqaptaryn «Dostyq» magistraldy kanaly arqyly keletin aǵyn sýdyń tapshylyǵy sezilýde. Osy derekter talqylanyp, kanal máselesi baqylaýǵa alyndy.
Darhan Satybaldy Jetisai qalasyn ulǵaitýǵa bólingen 80 ga aýmaqtyń infraqurylymyn damytýdaǵy ózekti máselelerdi de saralady. Jetisai qalasynda 5 qabatty 20 páterli turǵyn úidiń qurylysy 2019 jyly bastalǵan. Qurylys jumystaryn tolyq aiaqtaý úshin qosymsha qarjy qajet. 5 qabatty 6 turǵyn úidiń aýlasyn kógaldandyrý-kórkeitý jáne abattandyrý jumystary aiaqtalmaǵan jáne elektr qýatymen qamtamasyz etilmegen. Elektr qýatymen qamtamasyz etý maqsatynda 2022 jyly jergilikti biýdjet esebinen «Túrkistan oblysy, Jetisai aýdany, Jetisai qalasynyń aýdany 80
aýmaqta 110/35/10 kV QS qosalqy stantsiiasynyń qurylysy» nysanyna joba ázirlenip, qurylys-montaj jumystaryna qajetti qarjyny bóldirý úshin salalyq basqarmaǵa biýdjettik ótinim joldanǵan. Joba iske asqanda Jetisai qalasy aýmaǵyndaǵy 12 kópqabatty, 440 páterli úiler, iaǵni 1842 abonent sapaly, turaqty elektr qýatymen qamtamasyz etilmek.
Oblys basshysy qurylysy sozylǵan qurylys jumystaryn sozbalańǵa salǵandardy synǵa alyp, jaýapty basshylarǵa tiisti tapsyrmalar júktedi. Qaýipsizdik máselesin basty nazarda ustaýdy mindettedi.
