Darhan Satybaldy Túrkistan oblysynyń ákimi qyzmetinen bosatylyp, jańa qyzmetke taǵaiyndaldy, dep habarlaidy Dalanews.kz.
"Memleket basshysynyń Jarlyǵymen Darhan Amangeldiuly Satybaldy Qazaqstan Respýblikasy Prezidentiniń Ákimshiligi Basshysynyń birinshi orynbasary bolyp taǵaiyndaldy, ol burynǵy atqarǵan laýazymynan bosatyldy", delingen Aqordanyń habarlamasynda.
1974 jyly burynǵy Ońtústik Qazaqstan oblysynda týǵan. S.Seifýllin atyndaǵy Aqmola aýylsharýashylyǵy institýtyn, Qazaq gýmanitarlyq zań ýniversitetin bitirgen. Ekonomika ǵylymdarynyń kandidaty.
Eńbek jolyn 1996 jyly Ońtústik Qazaqstan oblysynyń Keles aýdanynyń "Keles" kommýnaldyq kásipornynda bastaǵan.
2000-2006 jyldary Qarjy ministrliginde, Prezidenttiń Is basqarmasynda ártúrli laýazymdarda qyzmet atqarǵan.
2007-2010 jyldary Bilim jáne ǵylym ministrliginiń Biýdjet jáne Qarjy departamentteri direktorynyń orynbasary, Ǵylym komiteti tóraǵasynyń orynbasary bolǵan.
2010 jyly Ulttyq qaýipsizdik komitetiniń departament bastyǵy laýazymyna taǵaiyndalǵan.
2011-2013 jyldary Premer-Ministr Keńsesiniń
Áleýmettik-ekonomikalyq bólimi meńgerýshisiniń orynbasary laýazymyn atqarǵan.
2013 jyly Shymkent qalasynyń ákimi bolyp taǵaiyndalǵan.
2015-2017 jyldary Ońtústik Qazaqstan oblysy ákiminiń birinshi orynbasary laýazymyn atqarǵan. Parlament Senatynyń depýtaty bolyp sailanǵan.
2019 jylǵy naýryzdan bastap Qazaqstan Respýblikasynyń Ózbekstan Respýblikasyndaǵy Tótenshe jáne Ókiletti Elshisi.
2022 jylǵy 31 tamyzdan Túrkistan oblysynyń ákimi bolyp taǵaiyndaldy.
«Eren eńbegi úshin» medalimen, "Qurmet" ordenimen marapattalǵan.
