Túrkistan oblysynyń medısına qyzmetkerleri Túrkıa memleketiniń Ystambul qalasyna arnaıy tájirıbeden ótýge bardy. Atalmysh shara Túrkistan oblysy ákiminiń Ómirzaq Shókeevtiń qoldaýymen júzege asty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Basty maqsat – medısına mamandaryna sońǵy tehnologıalardy meńgertip, biliktiligin arttyrý.

Aıta keteıik, biliktiligin shyńdaý úshin Túrkıa eline ketken top Túrkistan, Kentaý qalalarynan jáne Ordabasy, Arys, Báıdibek, Túlkibas, Otyrar, Saıram, Jetisaı aýdandarynyń jalpy 30 medısınalyq qyzmetkerinen jasaqtalǵan.

Jınalǵan tájirıbe óńirdegi medısınanyń sapasyn arttyrýǵa múmkinshilik beredi. Jalpy, bıyl Túrkistan oblysynyń aýrýhanalary men emhanalarynda eńbek etetin 2445 medısınalyq qyzmetker biliktiligin arttyrdy.