Májilis depýtaty Rinat Zaiytov Áleýmettik-mádeni damý komitetiniń otyrysynda medinitsina salasynda shielenisip jatqan birneshe máseleni kóterdi, dep habarlaidy Dalanews.kz.
Depýtat shetelge oqýǵa ketken qazaqstandyq dárigerlerdiń qajetti bilim alyp jatpaǵanyn aityp, ministrden osy máselege nazar aýdarýyn surady.
"Biyl dárigerlerdi daiyndaýǵa 300 mln teńgen bólingen. Bul – az aqsha emes. Taiaýda Túrkiiada boldym. Ondaǵy azamattar Densaýlyq saqtaý ministrine sálem aitty. Olardyń aitýynsha, Túrkiiaǵa adamdardy jiberip, oqytqannan eshqandai paida joq. Jasyratyny joq. Ol jaqta bizdiń dárigerler sabaq oqyǵannan góri kóp qydyrady eken. Sheteldegi azamattar sol aqshaǵa túriktiń mamanyn aldyrtyp, nege elimizde oqytpaidy dep aityp otyr. Sebebi, osylai tiimdi bolady", - dedi Rinat Zaiytov.
Sonymen qatar ol MÁMS ataýyna da erekshe toqtalyp, onyń qatelikterin atady.
"MÁMS – memleketke jasalǵan úlken qastandyq dep oilaimyn. Onyń ishinde birinshisi – Prezidenttiń sózin burmalaý. Prezident joldaýynda "mindetti" degen sózdi aitqan joq. Onda "erikti áleýmettik meditsinalyq saqtandyrýdy tájiribege engizýdi usynamyn" dedi. Bizdikiler "shash al dese, bas alady". Erikti degendi mindetti qylyp jiberdik. MÁMS-ti qazir toqtata almasaq, men sizge bir mysal aityp bereiin. Aiagózde MÁMS-tiń joqtyǵynan adam qaitys bolǵan. Sondyqtan jappai halyqty qabyldaityn júie oilap tabýlaryńyzdy suraimyn", - dedi ol.
