DÁRIGERLER BILIKTILIGIN ARTTYRÝDYŃ JOLY
Jobanyń maqsaty: tirkelgen turǵyndarǵa úzdik eýropalyq tájiribe trasferi jolymen alǵashqy mediko-sanitariialyq kómek kórsetý qyzmetin jetildirý jáne potronajdy (úiine baryp) járdem berý júiesin tiimdi uiymdastyrý.
Búgingi kúni, QazMÚBBÝ-i Almaty qalasy Densaýlyq saqtaý basqarmasymen birge №17 jáne №5 qalalyq emhanalarda bul joba jumystaryn bastady. Yntymaqtastyq aiasynda eń aldymen emhanalardyń kadrlyq resýrstaryna analiz jasalady. Sonymen qatar, tirkelgen turǵyndarǵa alǵashqy mediko-sanitariialyq kómek kórsetý jáne potronajdy járdem berýdiń jaǵdaiy, qoldanystaǵy reglamentteýshi qujattardyń eýropalyq standartqa sáikestigi zertteledi. Bul jumysqa IýNISEF jáne JAMK Ýniversitetinen (Finliandiia), Dandi Ýniversitetinen (Ulybritaniia), patronajdy medbikeler Institýnynan (Ulybritaniia) shaqyrylǵan shetel keńesshileri kóp kómek kórsetýde. Almaty qalasy Densaýlyq saqtaý basqarmasynyń, Qazaq meditsinalyq úzdiksiz bilim berý ýniversitetiniń jáne sheteldiń bedeldi meditsinalyq ýniversitetteriniń jetekshi mamandarynan quralǵan sarapshylar toby úsh jyl ýaqyt ishinde Almaty qalalyq emhanalarynda jumys jasaidy.
Basym kóńil jalpy praktikalyq dárigerler, meiirgerler jumysyna, sonymen qatar, patronajdy qyzmetti qaita qurýǵa bólinedi. Eýropa elderiniń tájiribesi turǵyndarǵa tiimdi meditsinalyq kómek kórsetýde negizgi jumysty atqaratyn jalpy praktika dárigerleriniń jáne orta meditsina qyzmetkerleriniń biliktiligin arttyrýdy basty nazarda ustaýdy kórsetedi. Terapevtik meditsina – ol syrqattyń diagnostikasy men durys emdelýi ǵana emes, sondai-aq, naýqasqa profilaktika ólshemderin úiretý, olarǵa salaýatty ómir saltyn ustanýǵa qatysty tiisti aqparattardy berý.
Mundai alǵashqy joba sheńberinde qalalyq emhanalardyń meditsina qyzmetkerleriniń úzdiksiz kásibi damýyna arnaiy oqý baǵdarlamalary jáne dárigerler men meiirgerlerge jańa qyzmettik nusqaýlyq jasalady, baqylaý men monitoring úshin olardyń jumystarynyń sapa indikatory anyqtalady. Sonymen birge, joba aiasynda jalpy praktika dárigerleri men meiirgerler jumys oryndarynda da jáne iri sheteldik ortalyqtar bazasynda bilimin jetildire alady.
