جوبانىڭ ماقساتى: تىركەلگەن تۇرعىندارعا ۇزدىك ەۋروپالىق تاجىريبە تراسفەرى جولىمەن العاشقى مەديكو-سانيتاريالىق كومەك كورسەتۋ قىزمەتىن جەتىلدىرۋ جانە پوتروناجدى (ۇيىنە بارىپ) جاردەم بەرۋ جۇيەسىن ءتيىمدى ۇيىمداستىرۋ.
بۇگىنگى كۇنى، ءقازمۇببۋ-ى الماتى قالاسى دەنساۋلىق ساقتاۋ باسقارماسىمەن بىرگە №17 جانە №5 قالالىق ەمحانالاردا بۇل جوبا جۇمىستارىن باستادى. ىنتىماقتاستىق اياسىندا ەڭ الدىمەن ەمحانالاردىڭ كادرلىق رەسۋرستارىنا اناليز جاسالادى. سونىمەن قاتار، تىركەلگەن تۇرعىندارعا العاشقى مەديكو-سانيتاريالىق كومەك كورسەتۋ جانە پوتروناجدى جاردەم بەرۋدىڭ جاعدايى، قولدانىستاعى رەگلامەنتتەۋشى قۇجاتتاردىڭ ەۋروپالىق ستاندارتقا سايكەستىگى زەرتتەلەدى. بۇل جۇمىسقا يۋنيسەف جانە JAMK ۋنيۆەرسيتەتىنەن (فينليانديا)، داندي ۋنيۆەرسيتەتىنەن (ۇلىبريتانيا)، پاتروناجدى مەدبيكەلەر ينستيتۋنىنان (ۇلىبريتانيا) شاقىرىلعان شەتەل كەڭەسشىلەرى كوپ كومەك كورسەتۋدە. الماتى قالاسى دەنساۋلىق ساقتاۋ باسقارماسىنىڭ، قازاق مەديسينالىق ۇزدىكسىز ءبىلىم بەرۋ ۋنيۆەرسيتەتىنىڭ جانە شەتەلدىڭ بەدەلدى مەديسينالىق ۋنيۆەرسيتەتتەرىنىڭ جەتەكشى ماماندارىنان قۇرالعان ساراپشىلار توبى ءۇش جىل ۋاقىت ىشىندە الماتى قالالىق ەمحانالارىندا جۇمىس جاسايدى.
باسىم كوڭىل جالپى پراكتيكالىق دارىگەرلەر، مەيىرگەرلەر جۇمىسىنا، سونىمەن قاتار، پاتروناجدى قىزمەتتى قايتا قۇرۋعا بولىنەدى. ەۋروپا ەلدەرىنىڭ تاجىريبەسى تۇرعىندارعا ءتيىمدى مەديسينالىق كومەك كورسەتۋدە نەگىزگى جۇمىستى اتقاراتىن جالپى پراكتيكا دارىگەرلەرىنىڭ جانە ورتا مەديسينا قىزمەتكەرلەرىنىڭ بىلىكتىلىگىن ارتتىرۋدى باستى نازاردا ۇستاۋدى كورسەتەدى. تەراپيەۆتىك مەديسينا – ول سىرقاتتىڭ دياگنوستيكاسى مەن دۇرىس ەمدەلۋى عانا ەمەس، سونداي-اق، ناۋقاسقا پروفيلاكتيكا ولشەمدەرىن ۇيرەتۋ، ولارعا سالاۋاتتى ءومىر سالتىن ۇستانۋعا قاتىستى ءتيىستى اقپاراتتاردى بەرۋ.
مۇنداي العاشقى جوبا شەڭبەرىندە قالالىق ەمحانالاردىڭ مەديسينا قىزمەتكەرلەرىنىڭ ۇزدىكسىز كاسىبي دامۋىنا ارنايى وقۋ باعدارلامالارى جانە دارىگەرلەر مەن مەيىرگەرلەرگە جاڭا قىزمەتتىك نۇسقاۋلىق جاسالادى، باقىلاۋ مەن مونيتورينگ ءۇشىن ولاردىڭ جۇمىستارىنىڭ ساپا ينديكاتورى انىقتالادى. سونىمەن بىرگە، جوبا اياسىندا جالپى پراكتيكا دارىگەرلەرى مەن مەيىرگەرلەر جۇمىس ورىندارىندا دا جانە ءىرى شەتەلدىك ورتالىقتار بازاسىندا ءبىلىمىن جەتىلدىرە الادى.
