Dárigerler margansovka iship qoıǵan búldirshinniń aýyz qýysy tolyqtaı kúıip qalǵanyn baıqaǵan. Hımıalyq kúıik shalǵan balanyń ómirin aman alyp qalý úshin dárigerler shuǵyl túrde jansaqtaý bólimine jatqyzyp, reanımasıalyq kómek kórsetti.
Anasynyń aıtýynsha, balaqaı úıde oınap júrip bir qutydaǵy margansovkany iship qoıǵan. Óz kezeginde dárigerde ýly suıyqtyq iship qoıǵan bala aýyr dárejedegi toksıkalyq áser alǵanyn rastady.
Jansaqtaý bóliminde kórsetilgen úzdiksiz emniń arqasynda búldirshinniń jaǵdaıy jaqsaryp, palataǵa aýystyryldy. Qazir úsh jasar bala toksıkalogıalyq bólimshede em alýda.
Mamandar, on jyl buryn ishki qurylysy kúıgen balalardyń 80 paıyzyn ólim aýzynan aman alyp qalý qıyn ekenin alǵa tartty. Qazir elimizdegi medısınanyń damýyna baılanysty mundaı jaǵdaıǵa tap bolǵan búldirshinderdiń ómirin saqtaý qalýǵa múmkindik arta túsken. Dese de, ol ata-ananyń bala aldyndaǵy jaýapkershiligin eń tómendetpeýi tıis deıdi mamandar.
