Solardyń biri – Telman Spaev. Mine, sol Telman qariia zamana.kz basylymyna habarlasyp, Astanadaǵy áýejaiǵa Elbasynyń esimi berilgendigine qatysty óz pikirin aitqan eken.
«Astanadaǵy áýejaiǵa Nursultan Nazarbaevtyń aty berilgenin estip, ekiudai sezimde otyrmyn, – dedi Telman qariia. – Muny men keibir jaǵympazdardyń isiniń nátijesi dep bilemin. Soǵan ishtei renjýlimin. Buryn komsomolda istegen birer jaǵympazdar bar, osyndai bastamalardy solar shyǵarady. Osynym qalai bolar eken dep jurttan uialmaidy da.
Negizi Nursultannyń abyroi-ataǵy bir basyna jetedi ǵoi. «Podhalimder» onyń abyroiyn bulaisha asyrmai-aq qoisyn. Qaita atyna kóleńke túsirip jatyr. Negizi onyń atyn budan úlken nysanǵa bergen jarasady emes pe?
Depýtattar Astana áýejaiyn elimizdiń darbazasy, oǵan Prezidenttiń atyn bergen durys dep jatyr. Endi bárimizdiń darbazamyzǵa Nursultannyń atyn jazyp qoiýymyz qaldy ma? Jaǵympazdar men paryqsyzdar shekten shyǵyp bitti ábden. Nazarbaevtyń atyn kez kelgen nársege qoia beredi.
Ótkende bireýdiń djip kóligine «Nursultan. Qoja» dep jazyp qoiǵanyn kórip, kólik iesine ábden urystym, munyń uiat bolatynyn aityp, jazýyn óshirgizdim. Jón-josyqsyz bulai ete berýge bolmaidy ǵoi.
Jalpy, meniń joǵarydaǵy atalǵan jaiǵa orai óz pikirimdi bildirgim keldi. Bul aitqandarymdy gazetterińde jariialarsyńdar dep oilaimyn».
Telman qariia osylai deidi. Bul ol kisiniń jeke pikiri. Búginde «Prezidenttiń kýrstastary» qoryn basqaryp otyrǵan qariianyń N.Nazarbaevty joǵary baǵalaityny belgili.
