Oblys basshysy aldymen kúrdeli jóndeý jumystary júrip jatqan Abai atyndaǵy teatryna bardy. Búginde teatrdyń jóndeý jumystarynyń basym bóligi aiaqtalǵan. Qurylysshylar óner ordasynyń shatyryn, syrtqy qasbetin jáne teatr ishindegi baspaldaqtarǵa kúrdeli jóndeý jumystaryn júrgizip úlgergen. Qazirgi tańda ekinshi qabattaǵy foieniń jóndeý jumystary qyzý júrip jatyr.
Óner ordasyn aralap, kúrdeli jóndeý jumystarynyń qalai júrgizilgenimen muqiiat tanysqan Danial Ahmetov:
– Jaraisyńdar, teatrdyń kúrdeli jóndeý jumystary óte sapaly júrgizilgen. Abaidyń 175 jyldyq mereitoiy qarsańynda qala turǵyndary úshin úlken syi boldy, – dep qurylysshylarǵa alǵysyn bildirdi.
– Abai murajaiynda Abai men balalarynyń músinin jasap shyqqan jas músinshimen tanysqanyma qýanyshtymyn. Abaidyń 175 jyldyq mereitoiy qarsańynda turǵyzylǵan jańa músin Abaidyń otbasymen túsken otbasynyń negizinde jasalǵanyn bilemin. Sol sýretke kóz salǵanda Abaidyń birinshi kezekte otbasynyń uiytqysy, balalaryna qamqorshy ákesi ekeni birden kózge túsedi. Nurbol Abai men balalary arasyndaǵy sol bir jyly qatynasty músinde anyq kórsetýge talpynǵan. Osyndai tamasha músindi qoldan qashap shyqqan Nurbolǵa shyǵarmashylyq tabys tileimin, – dep Danial Ahmetov jas músinshige óziniń alǵysyn bildirdi.
Semei elimizdegi kóne qalalardyń biri ekeni belgili. Sondyqtan qaladaǵy tarihi mańyzy zor ǵimarttardy kózdiń qarashyǵyndai saqtap, keler urpaqqa amanattaýdyń mańyzy zor. Danial Ahmetov Semeige at basyn burǵanda jergilikti bilik oryndaryna osy máselege nazar aýdarýy kerek ekenin alǵa tartty.
Qazir Semeidegi «Máńgilik el» aýmaǵynda júrginshi joldary jóndelip, granit tastar tósilinip, kógaldar men gúlder egilýde. Jóndeý jumystary júrip jatqan aýmaqtaǵy tarihi ǵimarattardyń o bastaǵy keipin saqtap jańǵyrtý jumysy da qarqyndy júrip jatqanyna Danial Ahmetov rizashylǵyn bildirdi.
– «Mágilik el» kóshesiniń boiyndaǵy ǵimarattar bir tústi bolǵany mańyzdy. Kóshe boiymen serýendegen qala turǵyndary ózderiniń 19 ǵasyrǵa tap bolǵandai sezinýi kerek. Bul jerdiń ózine tán aýarasy bolýy tiis. Múmkin bolsa, kóshe boiyndaǵy jaryq shamdar da kóne Semeidi eske salyp turatyn klassikalyq úlgide bolǵany jón, – dep oblys basshysy óz oiyn ortaǵa saldy.
– Ókinishke orai, perinataldi ortalyqqa jóndeý jumysyn júrgizýshi kompaniia ózderine tapsyrylǵan jumysqa salǵyrt qaraýda. Atalmysh kompaniia Semeidegi perinataldi ortalyqtyń 2-3 blogyna jóndeý jumystaryn júrgizýge qatysty baiqaýda jeńimpaz dep tanylǵan-dy. Ókinishke orai, jóndeý júmystary baiaý júrip jatyr. Jergilikti bilik organdary ortalyqty jóndeý úshin 700 mln teńge bólgen bolatyn. Osy ýaqytqa deiin merdiger kompaniia bólingen qarjynyń 20 mln teńgesin igergen. Eger aldaǵy ýaqytta kompaniia basshylary jumysty shiratpasa, zań negizinde aradaǵy kelsim-shartty úzýge májbúr bolamyz. Bul úshin olarǵa 10 kún ýaqyt beremiz. Jospar boiynsha qurylys basynda 200 adam júmys isteýi kerek edi. Ókinishke orai, qazir mundai 50-den astam eńbek etýde, – dep oblys ákimi merdiger kompaniiaǵa jumysty shiratýdy talap etti.
