– İndet tarap jatqan tusta dárigerlerge mobıldi bolý óte mańyzdy. Bul kólikterdi dárigerler men medbıkeler paıdalaný kerek. Sondaı-aq biz Semeıge jaqyn arada taǵy bir kompúterlik tomograf alamyz. Ol №2 qalalyq aýrýhanaǵa jetkiziledi, – dedi Danıal Ahmetov.
Semeı qalasynda búginde jalpy sany 360 myńnan astam adam tirkelgen 23 medısınalyq-sanıtarlyq mekeme jumys isteýde.
«Búgin qala dárigerlerine 19 qyzmettik kóliktiń kilti tabystaldy. Pandemıa bastalǵaly beri bizge qoldaý kórsetip kele jatqan oblys basshylyǵyna rızashylyǵymyzdy bildiremiz», – deıdi №3 qalalyq emhananyń bas dárigeri, qalalyq jedel shtab múshesi, medısınalyq máseleler jónindegi úılestirýshi Naılá Almeneva.
Esterińizge sala keteıik, shilde aıynyń basynan bastap oblys ákiminiń tapsyrmasy boıynsha óńirde 373 mobıldi brıgada qurylǵan bolatyn.
Búgingi tańda 19 jańa avtokólik alǵashqy medısınalyq-sanıtarlyq kómek júıesine jiberildi. Osy jyly qosymsha qajetti medısınalyq jabdyqtary bar taǵy 216 jedel járdem kóligi satyp alynbaq.
Oblystyq búdjet esebinen 100 avtokólik medısınalyq mekemelerge 1 qyrkúıekke deıin jiberiletin bolady.
