Danial Ahmetov qaitys bolǵan politseidiń otbasyna kóńil aitty
– Búgin jumys saparymen Úrjar aýdanyna arnaiy bardym. Osydan birer kún buryn Maqanshy aýylyndaǵy politsiia bólimshesinde qaitys bolǵan marqum Azamat Orazalynyń anasyna, otbasyna baryp kóńil aittym. Tas túsken jerine aýyr, sondyqtan týǵan-týys, baýyr, jora-joldastarynyń qaiǵylaryna ortaq ekenimizdi, bul jaǵdai Úkimet basshysynyń jeke baqylaýynda ekenin jetkizgim keledi.
Qazir aýdanda oblys prokýrory, Politsiia departamentiniń basshysy bastaǵan arnaiy top tergep-tekserý jumystaryn júrgizip jatyr. Tergeý barysy zań talabyna sai, ádil, ashyq jáne jariialy túrde ótedi. Men aldaǵy kúnderi aýdanǵa taǵy da kelemin, – dedi oblys ákimi Danial Ahmetov.
Óńir basshysy sondai-aq, kináli tulǵalar zań boiynsha qarastyrylǵan jazasyn alatynyn, kezdesýge kelgen Maqanshy jáne Qaratuma aýyldary aqsaqaldary men turǵyndarynyń talap-tilegi de osy ekendigin jetkizdi.
